Desna

Wikipedia, Entziklopedia askea
Desna
Десна
Desna River in Chernihiv.jpg
Datu orokorrak
Garaiera 90 m
Luzera 1.130 km
Geografia
Desna.png
Koordenatuak 54° 35′ 38″ N, 33° 17′ 55″ E / 54.5939°N,33.2986°E / 54.5939; 33.2986Koordenatuak: 54° 35′ 38″ N, 33° 17′ 55″ E / 54.5939°N,33.2986°E / 54.5939; 33.2986
Estatu burujabea Errusia, Ukraina, Sobietar Errepublika Sozialisten Batasuna eta Errusiar Inperioa
Lurraldea Smolensk oblasta, Briansk oblasta, Sumyko oblasta, Txernihiveko oblasta, Kieveko oblasta eta Kiev
Hidrografia
Ibaiadarrak
Arroaren azalera 88.900 km²
Arro hidrografikoa Desna basin (en) Itzuli
Ur-emaria 360 m³/s
Iturburua Golubev Mokh (en) Itzuli
Bokalea Dnieper

Desna (errusieraz: Десна; ukraineraz: Десна) Errusia eta Ukrainako ibaia da, Dnieperren ezkerraldeko adarra. 1.130 kmko luzera eta 88.900 km²ko arroa ditu.

Geografia[aldatu | aldatu iturburu kodea]

Errusiako Smolensk eta Briansk oblastak eta Ukrainako Txernihiv eta Sumyko oblastak zeharkatu ondoren, Kievetik hurbil, Dnieper ibaira isurtzen da. 1.130 kmko luzera du, eta 535 kilometroz nabigagarria da (Novhorod-Siverskitik aurrera).

Ibaiadar nagusiak Bolva, Seim, Oster, Sudost eta Snov dira. Ibai bazterreko hiri garrantzitsuenak, berriz, Errusiako Jelnia, Jukovka, Briansk, Desnogorsk, Trubtxevsk eta Ukrainako Novhorod-Siverski, Txernihiv eta Oster dira.

Hidrometria[aldatu | aldatu iturburu kodea]

Desnaren emaria 1884-1995 bitartean neurtua izan da Txernihiven (ahoa baino 120 km lehenago)[1]. Gune horretan, drainatutako eremuak 81.400 km² ditu, arro osoaren % 91,6. Urteko batezbesteko emaria 321 m³/s da; emari handiena apirilean du (1.106 m³/s), elurra urtzen delarik, eta txikienak irail (144 m³/s) eta otsailean (153 m³/s). Abendu hasieratik apiril hasiera arte izozturik egoten da.

Desnaren batezbesteko emariak (m³/s), Txernihiven neurtuak
Datuak: 1884 eta 1995 artean

Erreferentziak[aldatu | aldatu iturburu kodea]

  1. Desna Txernihiven Webworld.unesco.org

Kanpo estekak[aldatu | aldatu iturburu kodea]