Gyroporus cyanescens var. lacteus

Gyroporus cyanescens var. lacteus

Sionimoak: Boletus cyanescens var. lacteus, Gyroporus lacteus

Prestatzean urdin kolore bizia galdu egiten du. Oina baztertu egin behar da, larrukara da.

Deskribapena

Kapela: Handia, 15-20 cm artekoa. Hemisferikotik ganbilera eta lautua, ertz lodia, soberakin pixka batekin. Kapelaren azala lehorra, matea, gaztetan feltroduna, zuri garbitik zuri-kremara doan kolorekoa, ebaki edo igurtziz gero, urdin ilun bihurtzen da, tutuak, poroak, oina eta haragia bezala.

Tutuak: Laburrak, zuriak.

Poroak: Txikiak eta biribilak, gaztetan zuri garbiak, zahartzean krema kolorekoak eta horiak bihurtzen dira.

Hanka: Zuria, sendoa, irregularra, hauskorra, leizetsua, oinarria loditua.

Haragia: Zuria, sendoa, ugari.

Etimologia: Gyroporus hitza grekotik dator eta zirkulua esan nahi du, zirkulua eta poroak (póros). Poro biribilekin. Lacteus epitetoa berriz latinetik dator, zurixka esan nahi duen “lacteus” hitzetik. Bere kolore argiagatik.

Jangarritasuna

Jangarri ona.

Nahasketa artiskua

Gyroporus cyanescens taxoi nominala, txikiagoa da, kapela eta oina gaztetan hori-krema kolorekoa (ez zuria), ebakitzean urdin argi kolorera biratzen du (ez hain iluna), lurretik erabat ateratzen da, hostozabalen basoak nahiago ditu (ez pinuak), udazkenean ateratzen da baina baita udaberrian ere, habitata penintsulako iparraldea.

Sasoia eta lekua

Udazkenean. Normalean taldeka ateratzen da. Aldaera arraroa eta urria, babestu beharrekoa. Pinudietan bakarrik (Pinus pinaster). Penintsulako erdialdeko lur hareatsuetan, ia lurperatuta hazten da, lur hareatsuko tontor bat osatuz.