Orioko Bate Bizkorrak Sofbol Kirol Elkartea

Wikipedia, Entziklopedia askea
Jump to navigation Jump to search
Orioko Bate Bizkorrak
Aurreko izenak


Koloreak:
Horia, berdea

         
Liga Espainiako Liga
Dibisioa Ohorezko maila
Estadio Mendibeltz
Irekiera 2010
Presidente Elena Etxeberria
Managerra Patxi Arnal
Denboraldia 2018-19
Postua 6.a
Webgune ofiziala

Orioko Bate Bizkorrak edo OBB Sofbol Orioko sofbol taldea da. 1992 urtean sortu zen eta Emakumezkoen Espainiako Sofbol Ligan jokatzen du. Titulurik irabazi ez duen arren hainbat alditan izan da finalista.

Historia[aldatu | aldatu iturburu kodea]

1992. urtean sortu zen Jose Manuel Peña Castresanaren ekimenez, Orion sofbol talde bat izatearen ilusioz. Garai hartako legediaren arabera, klubak estaldura administratiboa behar zuen, lehiaketa ofizialetan parte hartu ahal izateko. OBBk ez zuen behar adina giza baliabide eta finantza errekurtsorik eta kolaborazioak bilatzera jo zuen. Horrela, Itsasoko Arraun Elkarteak onartu zuen OBB atal independente bezala, baina bere hornidura propioekin (giza hornidura, diru hornidura).

Era horretan hasi zen OBB sofbol munduan. Urteak pasa ahala, legedia aldatu egin zen eta OBBk Itsasoko Arraun Elkartetik banantzea planteatu zuen, baina banaketa honek lortutako eskubideak galaraziko zizkion eta erabakia 2007ra arte atzeratu behar izan zuen. Beraz, 2007an OBB OBBSKE izatera pasa zen (Orioko Bate Bizkorrak Sofbol Kirol Elkartea). Hala ere OBB izenez edo Orioko bate bizkorrak bezala da ezaguna.

Emaitzarik onenak 2010 eta 2013 artean lortu ditu Espainiako Ligako finala jokatuz. 2013an Europako Sofbol Txapelketan aritu zen eta brontzezko domina eskuratu zuen Bulgarian. Txapelketa honetan bertan Olatz Zubia donostiarrak bateatzaile onenaren saria irabazi zuen.

Palmaresa[aldatu | aldatu iturburu kodea]