Punsalmaagiyn Ochirbat-en iturria ikusi

{{Biografia_infotaula_automatikoa}}
{{Mongoliar izena}}

'''Punsalmaagiyn Ochirbat''' ({{lang-mn|Пунсалмаагийн Очирбат}}; Tudevtey, Dhavhan Aymag, [[1942]]ko [[urtarrilaren 23]]a) mongoliar politikaria da.

Meatzari-familia bateko semea zen, eta meatze-geologia eta ingeniaritza ikasi zuen [[Leningrad]]en ([[Sobietar Errepublika Sozialisten Batasuna|SSBB]]), bere herriko gobernuaren diru-laguntzari esker; 1975ean doktoregoa lortu zuen. 1966an Industria Erauzleen ministerioko teknikari izatera iritsi zen, eta 1972an, Mongoliar Herriko Alderdi Iraultzaileko kide zela -alderdi komunista eta Mongoliako bakarra-, diputatu hautatu zuten Parlamentuan. 1976an Meatze Erauzketarako ministro espezialistaren mailara igo ondoren, 1985ean Ekonomia Erlazioetarako Estatuko Batzordean sartu zuten, eta bi urte geroago bertako presidentetza hartu zuen. Garai hartan bertan (1987-1988) [[Gorbatxov]]ek, Sobietar Batasuneko buruak, herrialde komunistei sistema eraberritzeko proposamena egin zienean ''([[perestroika]]), ''Mongoliako buruzagiek demokraziaranzko bidea hartzea erabaki zuten, eta Ochirbat aukeratu zuten trantsizioa bideratzeko buru. 1990ean, Jambyn Batmunkek utzitako alderdiko idazkari nagusiaren kargua eta errepublikako presidentetza hartu zituenean, hauteskunde nagusiak deitu zituen. Alderdi Ofizialistako hautagai gisa aurkeztu zen, eta [[Mongolia|Mongoliako Herri Errepublikako]] presidente aukeratu zuten gehiengoz. Aurreko agintaldiko eskema sozioekonomiko berekin jarraitu zuen agintzen, eta kanpo-politikari dagokionez, 1992an, [[Sobietar Batasunaren desegitea|Sobietar Batasuna desegitean]], Txina eta Ipar Korearekiko hurbilpena bultzatu zuen. 1993ko presidentetzako hauteskundeetan berriz ere hautatu zuten, baina 1997an Natsagiyn Bagabandi komunista ohiak lortu zuen lehendakaritza.

== Erreferentziak ==
{{ lur | data=2011/12/26}}

{{bizialdia|1942ko||Ochirbat, Punsalmaagiyn}}

[[Kategoria:Mongoliako politikariak]]
[[Kategoria:Komunistak]]
[[Kategoria:Mongoliako ministroak]]