Sustraiak (abesbatza)

Begoñako Sustraiak abesbatza
Datuak
Jatorria	Garaizarko Lagunak abesbatza (1987)
Egoitza	Begoña
Zuzendaria	Itziar López Arberas
Ahotsak	ahots zuriak
Taldekideak	20
Urteak	2007 - ...
Fundatzailea	José Luis Etxebarria Goiri "Txelu"
Webgunea	Sustraiak abesbatza

Begoñako Sustraiak edo Sustraiak abesbatza 20 emakumez osatutako Begoñako abesbatza da, Bilbokoa.

2007an sortu zen; ahots zuriz osatua dago. Euskal musikagileekiko leialtasuna da abesbatzaren interes nagusia, eta, 2014tik, musika-ildo berean jarraitzen dute Itziar López Arberasen zuzendaritzapean.^[1]

Historia[aldatu | aldatu iturburu kodea]

José Luis Etxebarria Goiri-k ("Txelu") 1987ko martxoan sortu zuen Garaizarko Lagunak abesbatza. Gaur egungo Jesus Galindez kaleko 10-12 zenbakietako etxabean entseatzen zuten. Gerora frontoiko gela huts batean jarraituko zuten. 1989an neska adiskide eta ezagunekin izen bereko emakume-abesbatza ere eratu zuten.

1992an koru biek izena aldatzen dute eta Garaizarko Mahatsorriak hasten da. Izen horrekin federatu egin zen B.A.E.n (Bizkaiko Abesbatzen Elkartea).

2010eko Santa Zezilia eguna ospatzeko eta Jose Luis Etxebarria Goiri “Txelu” omentzeko Garaizarko Mahatsorriak eta Begoñako Sustraiak abesbatzek kontzertu bat eman zuten elkarrekin.

Betidanik landu dituzte euskal folkloreko abestiak eta Bilboko kantu klasikoak.

Ohiko jarduerak[aldatu | aldatu iturburu kodea]

Urtean zehar hainbat jardueratan parte hartzen dute. Kaleko animazioan, auzoko jaietan, ospakizunetan, Begoñako astea koralean, Bizkaiko udaberriko emanaldietan etabarretan jarduten dute.