Wikipedia, Entziklopedia askea

Diego Armando Maradona

Diego Armando Maradona.

Diego Armando Maradona futbol-jokalari argentinar bat da, 1960an jaiotakoa eta 2020ko azaroaren 25ean hil zena. Historiako futbolari hoberenetako bat izan da, hoberena aditu askoren ustetan.

Argentinako futbol ligako lehen mailan jokatu zuen 1976tik 1982ra bitartean; 1982tik 1984ra bitartean, Espainiako ligan, Bartzelona futbol taldean; ondoren, Italiako futbol txapelketako lehen mailan jardun zuen, Napoliko futbol taldearekin. 1992/93 denboraldian, Espainiako txapelketara itzuli zen, Sevilla taldearekin; karrera bukatzeko, ostera, Argentinara itzuli eta Boca Juniors taldearekin jokatu zuen 1993tik 1998ra bitartean.

Liga guztien artean, partida ofizialetan, 258 gol sartu zituen guztira.

1986an, Argentinako selekzioarekin Munduko Futbol Txapelketa irabazi zuen Mexikon. Selekzio honekin izan zituen agerraldi guztien artean, 34 gol sartu zituen.