Kickboxing

Kickboxinga borroka kirol eta entrenamendu-sistema bat da,boxeo- teknikak eta borroka-arteetatik datozen ostikoak konbinatzen dituena. Kirol hori Japonian sortu zen 1960ko hamarkadan, eta berehala zabaldu zen mundu osoan, batez ere Estatu Batuetan eta Europan.

Terminologia

Kickboxing hitza inglesetik dator eta bi hitz desberdinetan banatzen da.

Kick: Hitz hau kirolean erabiltzen diren ostikoak emateko teknikei deritzo. Kickboxing-ean, ostikadak estilo askotakoak izan daitezke, hala nola aurrez aurreko ostikoak, albokoak, zirkularrak eta beste borroka-arteetatik eratorritako beste batzuk.

Boxing: Termino hau ukabilekin jotzeko teknikei dagokie, mendebaldeko boxeoan erabiltzen direnen antzekoak.

Historia

Osamu Noguchik eta Tatsuo Yamadak^[1] 1960ko hamarkadan Japonian sortutako kickboxingak boxeoko eta karateko teknikak eta muay thai-aren eraginak uztartzen ditu. 70eko hamarkadan Estatu Batuetan egin zen ezagun, Joe Lewis eta Benny Urquidez bezalako pertsonaiekin, eta Professional Karate Association (PKA) elkartea sortu zen. Japoniar eta estatubatuar estiloetan dibertsifikatua, kirola globalki praktikatzen da 90eko hamarkadatik, ISKA eta WKA bezalako erakundeekin nazioarteko lehiaketak sustatuz. Gaur egun, borroka-kirola da, mundu osoan ezaguna.

Arauak

Kickboxing-ak hainbat askatasun ditu baina beste kirol guztien moduan arau^[2] batzuk ditu:

Zutik borrokatzea: ukabilez eta ostikoz jo daiteke.
Kolpe legalak: Gorputzera, burura eta hanketara zuzendu daitezke.
Debekatuta: kolpeak izterrondoan, bizkarra, eta erasoak aurkaria lurrean dagoenean.
Errondak: Borrokak txandatan banatzen dira, normalean 2-3 minutukoa bakoitza.
Puntuazioa: Epaileek kolpe eraginkorrak eta irabazlea zehazteko teknika puntuatzen dituzte nocautik ez badago.

Ekipamendua

Boxeoko eskularruak: eskuak eta aurkariak babesteko.
Aho-babesgarria: hortzak eta masailezurra babesteko.
Zango-babesak: bizkarrezurrak ostikadatan babesteko.
Kasko babeslea: Aukerakoa lehiaketa profesionaletan, derrigorrezkoa amateurretan.

Erreferentziak

↑ (Gaztelaniaz) «Kick Boxing – Su historia» Grupo Sobre Entrenamiento (G-SE) (Noiz kontsultatua: 2024-06-06).
↑ (Ingelesez) World Kickboxing Federation – WKF – we are the real global player. 2024-03-22 (Noiz kontsultatua: 2024-05-30).

[1] (Gaztelaniaz) «Kick Boxing – Su historia» Grupo Sobre Entrenamiento (G-SE) (Noiz kontsultatua: 2024-06-06).

[2] (Ingelesez) World Kickboxing Federation – WKF – we are the real global player. 2024-03-22 (Noiz kontsultatua: 2024-05-30).

[1]

[2]