Martin arrantzalea hegan.

Martin arrantzalea (Alcedo atthis) hegazti txiki bat da. Europan, Iparraldeko Afrikan eta Asia hegoaldean bizi da.

Nolakoa da?

17 zentimetroko luzera du eta 31 gramo pisatzen ditu. Burua, bizkarra eta buztana urdinak dira. Azpialdea berriz laranja bizia da. Buruan eta eztarrian kolore zuriko lerro batzuk ditu.

Zer jaten du?

Arrain txikiak jaten ditu. Ibaiaren ertzeko zuhaitzetan egoten da eta arraina ikustean eraso azkarra egiten du, arrakasta handikoa. Tarteka intsektuak eta krustazeo txikiak ere harrapatzen ditu.

Kolore berdeko lekuetan, urte osoan bizi dira.

Non aurki daiteke?

Europa, Afrika eta Asiako ibai eta aintziretan bizi da. Ez du migratzen, planetaren iparraldeko espezieak izan ezik; hauek hegoalderantz jaitsi ohi dira negu aldean.

Nola ugaltzen da?

Uraren mailatik altuera gutxira egiten ditu habiak. Hondarretan zulo sakon bat egiten du bertan arrautzak jartzeko. 4 eta 8 arrautza bitartean jartzen ditu, urtean bi aldiz. Arrautzak txikiak dira. 20 egun inguru pasatakoan txitoak jaiotzen dira.

Izena hainbat hizkuntzatan

Martin arrantzale bat bideoan.

      Entzun!

• Gaztelaniaz: Martin pescador
• Ingelesez: Common kingfisher
• Frantsesez: Martin-pêcheur d'Europe

Français