Txikipedia:Txepetxa (soinu-tresna)
Txepetxa zeharka kolpaturiko idiofonoa da.
Nola egiten da?[aldatu | aldatu iturburu kodea]
Intxaur bat hustu ondoren, intxaur azal erdia hartu eta mutur batean puska bat kentzen zaio. Intxaur azalaren kontra tinkaturik, luzera, makilatxo bat jartzen da, hari batekin estu-estu helduta.
Nola jotzen da?[aldatu | aldatu iturburu kodea]
Hatz batekin makilatxoari beheraka eraginez, libre gelditzen denean intxaur azalaren kontra jotzen du hotsa emanez. Trebeziaz mota guzietako erritmoak eman daitezke kantuak laguntzeko.
Non jo izan da?[aldatu | aldatu iturburu kodea]
Toki askotan erabili izan dira halako perkusio tresnak. Nafarroako Larraungo bailaran, adibidez, egiten ziren horrelakoak.