Txikipedia:Ultramore

Andromeda galaxiaren kolore faltsuko konposatua: urdinez argi ultramore urruna irudikatu da eta berdez ultramore hurbila. Kolore gorria beste uhin-luzera batzuk dira.

Argi ultramorea argi ikusgaiak baino uhin luzera laburragoa eta X izpiak baino luzeagoa daukan erradiazio elektromaknetikoa da. Lurrak  Eguzkitik jasotzen duen erradiazioaren osagaia da.

Aurkikuntza

1801 ean deskubritu zuen Johann Wilhelm Ritter-ek. Izpi honi "izpi desoxidatzaile" deitu zien.

Argi beltza

Argi ultramoreari argi beltz deitzen zaio lagunarteko hizkeran, giza begiak ezin baitu ikusi. Zenbait animaliak, besteak beste hainbat txorik, narrastik eta erlea bezalako intsektuek, argi ultramore hurbilean ikus ditzakete.

Argi ultramoreko lanpara fluoreszentea.

UV indizea

UV indizea Eguzkiak Lurraren gainazalean duen UV erradiazioaren intentsitatearen adierazlea da. UV indizeak eguzkiaren UV erradiazioek larruazalean kalteak eragiteko duten gaitasuna ere adierazten du.

Kolorea	Arrisku	UV indizea
Berdea	Baxua	0-2
Horia	Moderatua	3-5
Laranja	Altua	6-7
Gorria	Oso altua	8-10
Morea	Oso oso altua	11+