Laguntza:Ikusizko Editorea

Wikipedia, Entziklopedia askea
Wikipedia:Ikusizko editorea» orritik birbideratua)
Jump to navigation Jump to search



Gehiago jakiteko, irakurri: «Ikusizko Editoreari buruzko azalpena MWn»

Nola hasi artikulu bat aldatzen? Lehenik eta behin, jakizu bi modu dituzula aldaketak egiteko, bi fitxa goiko aldean, orriaren erdialdean: "Aldatu" eta "Aldatu iturburu kodea"Lotura. Wikipedian gehiago aritu ahala eta aldaketa finagoak egin ahala, "Aldatu iturburu kodea" erabiltzen hasiko zara, baina errazera joateko, hasiberria zara eta "Aldatu" fitxa erabiliko dugu aldaketak egiteko. Aldatzeko modu horri Ikusizko Editorea deitzen zaio.


Lehendabizi egin beharrekoa[aldatu | aldatu iturburu kodea]

Hala ere, lehendabizi kontu bat sortu behar duzu: mesedez bete formulario erraz hau. Behin fitxa beteta eta erabiltzaile izen bat eskuratuta, joan Proba orrira, Nire "Eztabaida orria"ren aldamenean. Klikatu hor.


Proba orrira sartzeko lotura (esteka) goiko menuan


Proba orria irekiko da eta Proba orriko menu orokorra ikusiko duzu, tartean "Aldatu" eta "Aldatu iturburu kodea" fitxak. Klikatu lehendabiziko aukeran. Ondorioz, Ikusizko Editorearen menua irekiko da.


Ikusizko Editoreko menua

Artikulua ataletan antolatzen[aldatu | aldatu iturburu kodea]

Orain, Ikusizko Editorean zaude eta, edozein testu tekleatu ahala, geratuko den bezalaxe ikusiko duzu, egin proba! Letra eta zenbaki soilak dira Wikipediako orrietako lehenetsitako testu formatua eta tamaina: "Paragrafo" formatua, testu soila. Orain, berriz, atalen izenburuak (atalburuak) idatzi nahi dituzu, kodeetan denbora galdu gabe. Joan goiko menu barrako "Paragrafoa" goitibeherako menura, eta aukeratu behar duzun atalerako izenburua (lehen mailako atalburua, azpiatalburua, bigarren azpiatalburua, etab.).


Ireki Paragrafo goitibeherako menua


Askotariko emaitzak hauek izango dira:

Atalburua[aldatu | aldatu iturburu kodea]

Azpiatalburua[aldatu | aldatu iturburu kodea]

Bigarren azpiatalburua[aldatu | aldatu iturburu kodea]

Eta gero idatzi nahi duzun testua hemen



Gainera, testu formatua aukeratu nahiko duzu: etzana, lodia, azpimarratua, etab. Horretarako, hautatu lehendabizi testua, joan "Paragrafoa"ren eskuinean dagoen menura, ireki goitibeherako menua, eta egin klik behar duzun aukeran. Testua behar duzun bezala ikusiko duzu:


Testu formatuaren goitibeherako menua


Klik bakar bat mundu bat irekitzeko[aldatu | aldatu iturburu kodea]

Hala ere, Wikipediako artikuluen ezaugarri nagusienetako bat 'wikitua' izatea da eta, wikitua izateko, askotariko orriak elkarri lotuta egon behar dira, loturen (esteken) bitartez. Ikus menu barrako Lotura ikonoa. Haren bidez, hitz edo esaldi bat hauta dezakezu eta, botoi horretan klikatuta, hautatutako testu osoa lotura bihurtuko duzu. Barne loturen bilatzaileak Wikipediako testuaren antzeko proposamenak egingo dizkizu:


Testu gorriak esan nahi du hautatu duzun testu horrek ez duela ordainik Euskarazko Wikipedian, sortu gabea dagoela; ondorioz, Ikusizko Editoreak antzekoak diren aukera batzuk proposatuko ditu


Otoi, gehitu erreferentziak edukia egiaztagarria izateko![aldatu | aldatu iturburu kodea]

Esaldi edo paragrafoan erreferentzia bat gehitu nahi izango duzu eta, horretarako, Ikusizko Editoreak modu erraztu bat ematen dizu. Mesedez joan "Aipatu" menura Lotura: klikatu hor, eta hainbat aukera ikusiko dituzu leiho batean. Hori erreferentzietarako morroi bat da. Gehitu nahi duzun erreferentzia (iturria) fisikoa bada, paperezko liburu bat adibidez, klikatu "Eskuz" eta "Liburua" aukeran (beste aukera batzuk ere badituzu). Formulario bat irekiko da, eremu bakoitzean eskatzen diren datuak zeuk sartzeko; bukatutakoan, klikatu Txertatu botoi urdina.



Goitibeherako menuan Erreferentzia-zerrenda agertuko da


Are erosoagoa da "Automatikoa" fitxa erabiltzea, baldin eta zure erreferentzia/iturria Interneten badago. Sartu adierazitako tokian "URL, DOI, ISBN edo PMC/PMDI", eta morroiak berreskuratuko ditu Internetetik behar dituen datuak, eman "Sortu" botoian, eta automatikoki beteko dira beharrezko datuak. Gainera, behin erabilitako erreferentzia berriz erabil dezakezu "Berrerabili" fitxa baliatuz. Automatikoki sortuko da erreferentzia, eta artikuluko beheldean agertzen ikusiko duzu.


Hala ere, agertuko ez balitz, klik egin artikuluko behealdean, erreferentziaren (aipamenaren) datu osoak agertuko diren zatian. Orain, menu barrako "Txertatu"ren bidez, ireki goitibeherako menua eta aukeratu hor "Erreferentzia-zerrenda". Erreferentziak artikuluko behealdean agertuko dira, baina txukun geratzeko, atal bat sortuko duzu ("Paragrafoa" menuaren bidez, ikus goian). Eman atal horri atalburu izen bat: "Erreferentziak". Horrela txukun-txukun geratuko da!


Dagoeneko ikasi duzu artikulu bateko ezin besteko elementuak erabiltzen. Artean, baina, geratzen dira menu barran aurkituko dituzun baliabide eta tresna gehiago, testuak, irudiak, bideoak, taulak, diagramak eta gainerako materialak txukun-txukun artikuluan txertatzeko. Horretarako, erabili "Txertatu" menuko "Multimedia fitxategiak" aukera, eta egin hor bilatzen duzun irudi edo soinu fitxategiarekin bilaketa, fitxategiaren izena edo gaia bertan sartuz.


Kokatu artikulua kategoria batean, edo gehiagotan[aldatu | aldatu iturburu kodea]

Nolanahi ere, artikulua 'umezurtz' geratuko litzateke azken elementu batzuk gehituko ez bagenitu: kategoriak eta hizkuntza arteko loturak (estekak). Artikulua sailkatu eta beste batzuekin konektatu behar dugu, linbo batean geratu ez dadin. Horretarako, Ikusizko Editoreko goiko menu barran, joan Lotura "Orriaren aukerak" ikonora. Ireki goitibeherako menua eta klikatu "Kategoriak" aukera Lotura; irekiko den alboko leihoan kategoriak txertatzeko eremuak ikusiko dituzu: zerbait idatzi ahala, aplikazioak berak proposamenak egingo dizkizu.

Behin beharrezko kategoria sartuta, artikulua sailkatuta geratu da Wikipediaren espazioan, dela kategoria batean, dela kategoria batean baino gehiagotan!


Ikasi erraz Ikusizko Editoretik artikulua kategorizatzen!


Artikulua amaitzen[aldatu | aldatu iturburu kodea]

Hurrengo eta azken urratsa izango da hizkuntza arteko loturak sartzea, ezkerreko zutabean agertuko direnak. Falta d(ir)en hizkuntza(k) sartzeko, joan ezkerreko zutabera eta klikatu "Gehitu loturak" loturan: artikulua oraindik beste hizkuntza batean ez badago, leiho batek beste hizkuntzako hizkuntza kodea eskatuko dizu (adibidez, enwiki ingeleserako) eta, gero, hasi idazten aukeratu duzun hizkuntzan izan dezakeen izena: uneko artikuluen proposamen zerrenda bat eskainiko du; onartu artikuluak baldin eta ondo parekatu badira.



Dagoeneko artikulua beste hizkuntzetako artikulu batzuekin parekatuta badago, loturak Wikidatara bideratuko zaitu. Ezkerreko zutabean hizkuntza guztiak kargatuko dira dagoeneko lotura bat gutxienez badago, Wikidata irekiko da "Aldatu loturak" klikatzean. Bertan, klikatu "Aldatu" Wikipedia atalean agertzen den zerrendara euskarazko artikulua gehitzeko.



Egindako ekarpena gorde[aldatu | aldatu iturburu kodea]

Aldaketak egindakoan agertzen den Laburpen leihoa

Behin aldaketa guztiak egin dituzunean, ikusi nola geratzen den dena eta, gustura bazaude, klikatu beheko "Aldaketak argitaratu" eta leiho bat agertuko zaizu. Bertan adierazi laburki egindako aldaketak, eta klikatu berriz "Aldaketak argitaratu" botoi urdinean. Oso ondo, orain zure aldaketak edonorentzat bistan daude!


Ikus, gainera[aldatu | aldatu iturburu kodea]


Kanpo loturak[aldatu | aldatu iturburu kodea]


Itzuli Laguntzako sarrera orrira