Wikipedia:WikiBizi/Museoak

Wikipedia, Entziklopedia askea
Wikibizi-museoak.png

Uda hau berezia izango da: ohiko jarduera asko (herriko festak, atzerriko bidaiak, musika festibalak…) koronabirusaren krisiarengatik bertan behera geldituko badira ere, Euskal Herriko kultur-ondasuna hobeki ezagutzeko aukera eskaini nahiko genuke. Euskal Herria bera ezagutzeko hautua egingo dute askok, eta guk ezagutza horretan lagundu nahi dugu, WikiBizi Euskal Herria izeneko ekimenarekin: gure herria bizitzeko gonbidapena da WikiBizi Euskal Herria. Ekimen orokor horren baitan, WikiBizi Museoak ekimena jarri nahi dugu abian.

WikiBizi Museoak ekimenean parte hartzera gonbidatu nahi zaituztegu, museoetan gordetzen den artea eta memoria zabaltzeko, baita zuen ekimenen berri jendartean jakinarazteko ere. Bide hori elkarrekin egiteko prest gaude, baita elkarlan bide berriak hartzeko ere. Beraz, zuen museoaren eta wikilarien artean elkarlana sustatzea ideia ona dela uste baduzu, jar zaitez gurekin harremanetan museoak@wikibizi.eus helbidean.

Circle-icons-lightbulb.svg Zer egin dezakegu?

Honakoa lankidetzarako dei ireki bat da, egin daitekeenaren adibide batzuk:

  • Zuen museoaren berri eman gure bidaia gida irekian.
  • Zuen bildumaren ale interesgarrienen argazkiak edo audioak igo Wikimedia Commonsera.
  • Zuen bildumaren datuak igo Wikidatara.
  • Bisita gidatu bat antolatu wikilariekin zein nahi duen ororekin. Ondoren, edizio tailer bat egin bildumaren edo museoaren gaiaren inguruan idazteko, museoko adituen parte-hartzearekin.
  • ...

Hauetako ekimenen bat edo gehiago egin nahi baduzu, jar zaitez gurekin harremanetan museoak@wikibizi.eus.

Circle-icons-globe.svg Nazioarteko esperientziak

Nazioarteko mailan egin diren partaidetza ekimen batzuk ikusteko aukera duzu hemen