Ángela Bachiller

Ángela Bachiller
	; (2013) Irudi gehiago
; Q30334193	;
; Q30334193
Bizitza
Jaiotza	Espainia, 1983ko uztaila (40 urte)
Herrialdea	Espainia
Hezkuntza
Hizkuntzak	gaztelania
Jarduerak
Jarduerak	politikaria
Sinesmenak eta ideologia
Alderdi politikoa	Alderdi Popularra

Ángela Covadonga Bachiller Guerra (Valladolid, 1983ko uztaila) Valladolideko probintziako zinegotzia da, Espainiako Alderdi Popularreko kidea. 2013ko uztailaren 29an, Downen sindromea duen Espainiako lehen zinegotzi bilakatu zen^[1]. Aurretik, bi urte eta erdiz lan egin zuen Udaleko administrari laguntzaile gisa. 2011ko udal hauteskundeetan Alderdi Popularreko zerrendan agertu zen^[2]. Udal taldean sartzeko aukera izan zuen ustelkeria leporatuta alderdikide batek dimisioa eman ostean^[3]^[4].

Ángela Bachiller Gaztela eta Leongo Lanbide Heziketako titulua lortu duen Downen sindromea duen lehen pertsona ere bada.

Francisco Javier León de la Riva alkateak Bachiller «indarra duen eta oztopoak gainditzen dituen norbaiten adibidetzat» jo zuen^[5]. Espainiako Langile Alderdi Sozialistak Bachillerren alde egin zuen, eta haren izendapena «zerbait guztiz normala» zela aitortu zuen. Lorpen horrek «haren egoeran dauden beste pertsona batzuk gizartean gero eta protagonismo gehiago hartzera bultzatuko duela» espero dute^[6].

2014 Ical saria irabazi zuen^[7]. Urte berean desgaitasuna duten pertsonen eskubideei buruzko hitzarmena ezartzeko foroan parte hartu zuen Bruselan^[8].