Aldagai (argipena)

Aldagaia balio ezberdinak har ditzakeen zenbatekoa da, konstanteak ez bezala. Matematikan eta matematika erabiltzen duten zientzia guztietan maiz erabiltzen den kontzeptua da, fenomeno eta ezaugarriei buruzko neurriak ematen baititu. Hizki bakar batez adierazi ohi dira aldagaiak: adibidez, espazioaren neurria (egindako ibilbide baten luzera) s ikurrez adierazi ohi da fisikan. Terminoa argituz:

• matematikan, aldagaia ebazkizun batean balio ezberdinak har ditzakeen balio bat da, hizki batez adierazi ohi dena.
• estatistikan, aldagai estatistikoa ikerketa bateko elementuetarako neurtzen den ezaugarri bat da;
• probabilitate teorian, zorizko aldagai terminoa zoriz balio ezberdinak har ditzakeen aldagai bat izendatzeko erabiltzen da.