Amritsar

Urrezko Tenplua, Amritsarren.

Amritsar (punjabieraz ਅੰਮ੍ਰਿਤਸਰ —itzulpena: Hilezkortasunaren Urmaela—, hindiz: अमृतसर) Indiako ipar-mendebaldean, Punjab estatuan dagoen hiri bat da, 1577an sortua. 2005eko azken erroldaren arabera, 1.100.000 biztanle ditu. Amritsarren dago munduan fededun gehien dituzten erlijioetatik bosgarrena den sikhismoaren lurralde sakratua. Amritsarko Urrezko Tenplua da sikhismoaren gurtza gune nagusia.