An American Werewolf in London
An American Werewolf in London (euskaraz Amerikar Otsogizon Bat Londresen) 1981eko John Landis estatubatuar zinema zuzendariak zuzendutako beldurrezko komedia film bat da. David Naughton, Jenny Agutter, Griffin Dunne eta John Woodvine aktoreek antzeztu zuten.
1981eko Makillaje onenaren Oscar Saria (Rick Baker) irabazi zuen.
Denboraren poderioz kultuzko filma bilakatu zen, gainera, 1997an An American Werewolf in Paris (Amerikar Otsogizon Bat Parisen) jarraipena izan zuen.
Argumentua
David Kessler eta Jack Goodman (David Naughton eta Jenny Agutter) bere motxilak bizkarrean harturik Europan barna hiru hilabeteko bidaia burutzea erabaki duten bi estatubatuar gazte dira. Ingalaterrako landa eremu bakarti batetik igarotzean, bertakoek aholku beldurgarriak eman dizkiete: "ez zaitezte bidetik baztertu, ezta mortuetara hurbildu ere", "kontuz ilargiarekin". Bi gazteak bideari berrekin eta iluntasunean barneratzen direnean, mortuetatik datorren ohiu izugarri bat entzungo dute, baina ez dira jabetuko kondairazko izaki odolzale batek jarraitzen dituela, haren biktimak Lurrean behin betiko harat-honata ibiltzera zigortuak diren bizidun hildakoak bilakatzen dira; aldiz, haren erasotik bizirik ateratzen direnek beste patu ezberdin bat izan ohi dute...
Aktoreak
- David Naughton: David Kessler
- Jenny Agutter: Alex Price erizaina
- Griffin Dunne: Jack Goodman
- John Woodvine: J.S. Hirsch doktorea
- Lila Kaye: Tabernako zerbitzaria
- Frank Oz: Collins jauna
- David Schofield: Dardo jokalaria
- Brian Glover: Xake jokalaria
- Rik Mayall: 2. xake jokalaria
- Don McKillop: Villiers inspektorea
- Paul Kember: McManus sarjentua
- Michael Carter: Gerald Bringsley
- Will Leighton: Joseph
- Frank Singuineau: Ted
- Sydney Bromley: Alf
- Albert Moses: Ospitaleko langilea
- Elizabeth Bradley: Zooko emakumea
- Alan Ford: Taxi gidaria
- Christine Hargreaves: Ticket saltzailea
- Linzi Drew: Brenda Bristols
- John Landis (krediturik gabe): lehioaren aurka zapaldutako gizona