Archie Shepp
Estatubatuar saxofoi-jotzailea eta musikagilea (Fort Lauderdale, Florida, 1937). Cecil Taylorrekin grabatu zituen diskoak, eta 1963an lehenengo boskotea osatu zuen John Tchicai eta Don Cherryrekin batera. Ondoren, 1964an, Jazz Composers Guild taldearen sorreran parte hartu zuen. Free jazzeko artista ospetsu eta ezagunenetako bat bihurtu zen berehala. 1975etik aurrera, Amhersteko (Massachusetts) Unibertsitateko musika-irakasle aritu zen. Abangoardiako musikagilea izan zen, beltzen borroka politikoak musikaren bidez adierazi nahi zituena, baina, aldi berean, tradizioa asko zaindu zuena. Batetik, Duke Ellington, Charles Mingus eta Charlie Parkerren erreferentziak, eta, bestetik, blues klasikoa, espirituala eta rhythm and bluesaren aztarnak biltzen ditu Sheppen lanak.
Erreferentziak
 |
Wikimedia Commonsen badira fitxategi gehiago, gai hau dutenak: Archie Shepp  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.