Arrazubiko Andre Maria baseliza
| Arrazubiko Andre Maria baseliza | |
|---|---|
 | |
| Kokapena | |
| Herrialdea |  Euskal Herria |
| Probintzia |  Nafarroa Garaia |
| Udalerria | Oloritz |
| Koordenatuak | 42°37′20″N 1°37′00″W / 42.6223174°N 1.6165548°W |
 | |
| Historia eta erabilera | |
| Erlijioa | katolizismoa |
| Elizbarrutia | Iruñea eta Tuterako artxidiozesia |
| Arkitektura | |
| Estiloa | arkitektura gotikoa arkitektura erromanikoa |
Arrazubiko Andre Maria baseliza XII. mendeko eliza kristaua da, gotiko estilokoa, Nafarroa Garaiko Arrazubi herri hustuan dagoena, Orbaibarko Oloritz udalerrian.
Historia[aldatu | aldatu iturburu kodea]
Eraikin soil hori dagoen lekuan, izen bereko herrixka zegoen. 1366an su bat besterik ez zeukan, eta 1534 baino lehen jendegabetu zen.[1] 1786an, Eristaingo jauregiarena zen, eta zazpi biztanle zituen. XX. mende hasieran hustu zen.[2] Elezaharrak dioenez, XIII. mendeko hilobian atseden hartzen zuen «leizeko andreak», eta haurdun geratu nahi zuten emakumeek kanpoko hormako hilarriaren gainean lo egiten omen zuten.[3]
Eraikina[aldatu | aldatu iturburu kodea]
Eraikin protogotikoa da, XII. mende amaieran egindakoa. Oinarri laukizuzeneko nabe bakarra du, burualde zuzena eta arku zorrotz sendoz hornitutako zenbait tarte. Teilatua, bi isurkikoa, behera etorria zen, eta berriki berreraiki zuten. Harlanduxkaz egindako murruak dauzka, hutsarte gutxirekin, prisma formako kontrahormak, eta harburu lerro bat goialdean. Sarrerako atea arku-zorrotza da, eta arkibolta eta inposta leunak. Atearen ondoan XIII. mendeko hilobi gotiko bat dago, arku zorrotz eder baten azpian; hilarria bi isurkikoa da. Kanpai-hormak ermitaren ondorengo garai batean egindakoa dirudi.[4]
Erreferentziak[aldatu | aldatu iturburu kodea]
- ↑ Perez Ollo, Fernando. Ermitas de Navarra. fundacioncajanavarra.es (Noiz kontsultatua: 2020-02-13).
- ↑ Arrazubi. enciclopedianavarra.com 2020-02-13.
- ↑ Arrizabalaga, Mikel. «Orbaibarko ermitak» Berria (Noiz kontsultatua: 2019-04-30) CC BY-SA 4.0 lizentziapean.
- ↑ Arrazubi. Atlas del patrimonio histórico cultural navarro, lebrelblanco.com (Noiz kontsultatua: 2020-02-13).
