Berria

Berria
Izena	Berria
Lehen alea	2003ko ekainaren 21a
Mota	informazio orokorra
Saltzen den lurraldea	Euskal Herria
Editatzen den hiria	Andoain, Gipuzkoa
Hizkuntza	euskara
Maiztasuna	asteartetik igandera
Argitaratzea	goizez
Salneurria	1,10 (2009)
Kolorea	koloreko eta zuri-beltzeko orriak tartekatzen ditu
Argitaletxea	Euskal Editorea S.L.
Zuzendaria	Martxelo Otamendi
Erredaktore nabarmenak	Pello Urzelai, Imanol Murua Uria
Zutabegile nabarmenak	Anjel Lertxundi, Onintza Enbeita, Xabier Gantzarain
Binetagile nabarmenak	Olariaga, Zaldieroa
www.berria.info

Berria euskara hutsean argitaratzen den eta Euskal Herria osoan irakurgai dagoen egunkari bakarra da, Euskaldunon Egunkaria itxi ostean sortua. Egunero argitaratzen dute, astelehenetan izan ezik.

Egoitza nagusia Andoaingo Martin Ugalde Kultur Parkean kokatua dago eta ordezkaritzak dauzka Gasteiz, Bilbo, Iruñea eta Baionan. Europako hizkuntza gutxituen egunkarietako elkartea den MIDASen kidea da.

Historia

• 2003ko ekainaren 21ean kalera atera zen lehenengo zenbakia.

• 2006ko irailaren 8an 1000. alea kaleratu zuten.

Gehigarriak

• "Igandea+Egitura": igandeetako gehigarria. Barnean "Egitura" ekonomia gehigarria integratuta darama.
• "Mantangorri": umeentzako gehigarria.
• "Matraka": gazteentzako gehigarria.

Hitzak

2003tik aurrera, "Egunkaria" itxi ondoren, bertako langile ohiek Euskarazko Komunikazio Taldea sortu zuten, euskarazko egunkari nazional berria sortu, eta eskualdez eskualde tokian tokiko herri egunkariak sustatzeko.

Ildo horretan, EKTren baitako Bertako Hedabideek eraginda, hainbat eskualdetan "Hitza" egunkariak sortu dira azken urteotan, tonkian tokiko euskara elkarteen eta gizarte eragileen laguntzarekin: "Tolosaldeko Hitza" (2003ko martxoaren 25ean),"Oarsoaldeko Hitza" (2003ko ekainaren 24an), "Lea-Artibai eta Mutrikuko Hitza" (2003ko azaroaren 11an), "Urola Kostako Hitza" (2004ko otsailaren 20an), "Goierriko Hitza" (2004ko urriaren 4an), "Irutxuloko Hitza" (Donostialdean, 2005eko otsailaren 17an) eta "Busturialdeko Hitza" (2005eko abenduaren 15ean).

Blogak

2005ean hasi ziren funtzionatzen Berriako langile batzuek abiatutako blogak.

Sariak

• 2003ko abenduaren 13an "Mundua" sailak "Joan B. Cendros" kazetaritza saria eskuratu zuen, Kataluniako hauteskundeetan egindako lanagatik.
• 2004ko urtarrilaren 23an egunkariak "Merezimenduzko Argia" saria eta bertako "Mundua" sailak prentsa idatziaren saria eskuratu zuten.
• 2004ko ekainaren 5an "Mundua" sailak beste sari bat lortu zuen, oraingoan MIDAS elkarteko izen berekoa.
• 2004ko uztailaren 3an "Mundua" saileko erredaktoreburua den Jose Mari Pastor-ek "Rikardo Arregi" kazetaritza Sari Nagusia irabazi zuen.
• 2005eko urtarrilaren 28an Iñigo Aranbarri kazetari eta idazleak ("Hizlandia" artikulu sorta) prentsako "Argia" saria jaso zuen.
• 2005eko maiatzaren 21ean Martxelo Otamendi zuzendariari "Torredembarra Hiria" sarietako bat eman zioten.
• 2005eko uztailaren 2an Martxelo Otamendik "Rikardo Arregi" sarietako ohorezko aipamena eskuratu zuen.
• 2006ko urtarrilaren 27an Fermin Etxegoien kazetari eta idazleari ("Ekografiak" artikulu sorta) prentsako "Argia" saria eman zioten.
• 2006ko uztailaren 1ean "Harian" saileko kazetaria den Imanol Murua Uriak "Rikardo Arregi" kazetaritza Sari Nagusia eta "Plaza" saileko Ekaitz Agirrek "Kazetari Berria" saria eskuratu zuten.
• 2008ko urtarrilaren 25ean Politika saileko Imanol Murua Uriak "Argia Saria" irabazi zuen.

Hor Dago!

Bilboko "Hor Dago!" konpartsa egunkariarekin lotuta dago, jatorrian "Euskaldunon Egunkaria"rekin betiere.

Ikus, gainera

• Berria, Estilo liburua
• Hitza (egunkaria)

Kanpo loturak

• (Euskaraz) Berria egunkariaren webgunea
• (Euskaraz) Berriaren blogak
• (Euskaraz) Berriak sortutako webgune bereziak
• (Euskaraz) 5 urteko adin nagusia, Kike Amonarrizen iritzi-artikulua (2008-05-15)