Artxipelagoa (podcasta)

Artxipelagoa (podcasta)
Jatorria
Jatorrizko herrialdea	Euskal Herria
Atalak	24 kapitulu
Banatze bidea	Podcast
Ezaugarriak
Genero artistikoa	zientzia-fikzioa
Hizkuntza	euskara
Zuzendaritza eta gidoia
Zuzendaria(k)	Oier Aranzabal
Antzezlea(k)
Aitziber Garmendia Eneko Sagardoy Anartz Zuazua Iñaki Beraetxe Sara Cozar Klara Badiola
Emanaldia
Hasiera-data	2021eko apirilaren 20a
Amaiera-data	2024ko urtarrilaren 29a

Artxipelagoa 2021ean Ulu Mediak eta EITBk ekoiztu eta Oier Aranzabalek zuzendutako podcasta da. Hiru denboraldi osatu zituen eta azken atala 2024ko urtarrilaren 29an kaleratu zen. 2023an podcastean oinarrituriko komikia atera zen.

Martin eta Xabier Etxeberria anaiek osatu zuten gidoia eta euskal aktore ezagunek hartu zuten parte; Aitziber Garmendiak, Eneko Sagardoyk, Anartz Zuazuak, Iñaki Beraetxek, Sara Cozarrek eta Klara Badiolak besteak beste.

Istorioa

2013. urtea da eta hiru olatu handiren ondoren itsasoaren maila 500 metro igo da. Euskal Herria uharte ugariz osaturiko artxipelagoa da orain eta Euskal Artxipelagoa izenaz ezagutzen da.

Munduaren egitura politikoa erabat aldatu da eta Euskal Herria bi inperio handiren artean dago, Ipar Afrikako Liga eta Germaniar Konfederazioa. Jare ustegabeko protagonista bihurtuko da Iker eta Nizar lagunekin.

Sariak

• Irratiko Argia Saria (2022)
• Estatuko hizkuntza koofizialetako podcast onenaren Ondas Saria (2023)

Kanpo estekak

• EITBren webgunean Artxipelagoaren atal guztiak

• Datuak: Q125374515