Bowling for Columbine
Bowling for Columbine Michael Moorek idatzi, ekoiztu eta zuzendutako dokumentala da, 2002ko urriaren 11n plazaratu zena. Columbine institutuko triskantza zergatik gertatu ahal izan zen saiatzen da Moore erantzuten. Ikusleen artean filmeko ideien politikoengatik hein berean goraipatua eta mespretxatua, sari andana jaso zuen: Dokumental onenaren Oscar Saria (jasotzerakoan George W. Bushen kontrako hitzaldi gogorra egin zuen Moorek) edo Frantziako César Saria Atzerriko film hoberenaren kategorian. Horrek guztiak nazioarteko atentzioa ekarri zuen Michael Mooreren gainean.