Boyle-Mariotteren legea

Wikipedia(e)tik
Hona jo: nabigazioa, Bilatu

Boyle-Mariotteren legea, gas idealen legeetako bat da, prozesu isotermoa aztertzen duena hain zuzen ere. Robert Boylek Oxforden (1664)eta Edme Mariottek Parisen (1676) bakoitzak bere aldetik aurkituriko legea da.

Legea[aldatu | aldatu iturburu kodea]

Legeak dioenez, gas baten sartu-irtenik gabe gasaren tenperatura konstante mantentzen bada gas honen gaineko presioa eta gasaren bolumena alderantziz proportzionalak dira. Hau da:

P_1V_1=P_2V_2\,

Ikurrak:

P_1\,= Hasierako presioa (atm)
V_1\,= Hasierako bolumena (litro)
P_2\,= Amaierako presioa (atm)
V_2\,= Amaierako bolumena (litro)

Boyleren saiakuntza[aldatu | aldatu iturburu kodea]

Tenperatura konstante mantenduz bolumena eta presioaren arteko erlazioa azaltzen duen saiakuntzaren animazioa

Hau da Boylek egin zuen esperimentua. Tenperatura konstante mantenduz presioa handitu ahala bolumena jeisten zela ikusi zuen, baina beti ere bien arteko biderkaketa konstante mantentzen zen. Horretarako ontzi batean gasa sartu zuten eta goiko aldean enbolo batekin hermetikoki itxi. Enboloan pisua jarriz hau jeitsi eta bolumena txikitzen zenean ontzi barruko gasaren presioa igo egiten zen, aldiz enboloa jasoz bolumena handitzean presioa txikitu egiten zen.

P (atm) V (l) P.V
0.5 60 30
1.0 30 30
1.5 20 30
2.0 15 30
2.5 12 30
3.0 10 30

Beraz:

PV=k\,

Azalpena[aldatu | aldatu iturburu kodea]

Bolumena txikitzerakoan gas molekulek toki gutxiago dute mugitzeko eta maizago jotzen dituzte ontziaren hormak. Aldiz bolumena handitzerakoan molekulek toki gehiago dute eta hormen kontrako talkak gutxiagotzen dira.

Ikus, gainera[aldatu | aldatu iturburu kodea]