Cop Land
Cop Land (euskaraz Polizia Lurraldea) 1997ko James Mangold estatubatuar zinema zuzendariaren polizia thriller filma bat da. Sylvester Stallone, Harvey Keitel, Ray Liotta, Robert De Niro, Peter Berg, Janeane Garofalo, Robert Patrick, Michael Rapaport eta Annabella Sciorra aktoreek antzeztu zuten.
Argumentua
Babitch (Michael Rapaport) New York hiriko polizia gauero bezala New Jerseyko Garrison udalerrian dagoen bere etxeruntz autoz doa, baina honakoan bi gizonek eerasotuko dute. Haiek atzematen saiatzean, bi gizonek ustez pistolaz apuntatu egingo dute, Babitchek halabeharrez tiro egin eta biak hilko ditu. Berehala, gertakaria jazo den zubia poliziaz josiko da, hildako bi gizonek inolako pistolarik ez zeramatela ikusiko dutelarik. Garrisongo sheriffak (Sylvester Stallone) kasu honekiko ardura osoa du, udalerriaren mugen barnean gertatu baita, baina udalerri horren berezitasun nagusia biztanle ia guztiak New York hirian lan egiteen duten poliziak direla da, eta hauek bere kaxaz, eta maiz legez kanpo, jardutea eta elkarren arteko trapu zaharrak ezkutatzen gaizki ohituta daude, horregatik heuren lankidea kasu honetan nola edo hala errugabetu nahi dute. Kasua herrialde osoko hedabideetan agertu denez, poliziaren barne ikerketa saileko arduradunak (Robert de Niro) ere esku sartzea beste konponbiderik ez du izango.
Aktoreak
| Aktorea | Pertsonaia |
|---|---|
| Sylvester Stallone | Freddy Heflin sheriffa |
| Harvey Keitel | Ray Donlan tenientea |
| Ray Liotta | Gary 'Figgsy' Figgis ofiziala |
| Robert De Niro | Moe Tilden tenienteea |
| Peter Berg | Joey Randone ofiziala |
| Janeane Garofalo | Cindy Betts kadetea |
| Robert Patrick | Jack Rucker ofiziala |
| Michael Rapaport | Murray 'Superboy' Babitch ofiziala |
| Annabella Sciorra | Liz Randone |
| Noah Emmerich | Bill Geisler kadetea |
| Cathy Moriarty | Rose Donlan |
| John Spencer | Leo Crasky detektibea |
| Frank Vincent | Vincent Lassaro |
| Malik Yoba | Carson detektibea |
| Arthur J. Nascarella | Frank LaGunda detektibea |
| Edie Falco | Berta |
| Victor Williams | Russell |
| Paul Calderon | Hector medikua |
| Nick Nolte | NYeko poliziako detektibea (krediturik gabe) |
| Method Man | Shondel |
Kanpo loturak
- Cop Land filmaren IMDBko fitxa irakurgai (Ingelesez)
- Filmaren webgunea (Ingelesez)