Draisina

Drais-en "zurezko zaldia" *(dandy-horse)* (1816)

Draisina lerroan jarritako bi gurpileko lehen ibilgailua izan zen, eta giza trakzioko lehen ibilgailu praktikoa. Oinaren bultzadarekin egiten zen aurrera, gaur egungo bizikletaren aurrekari zaharrena kontsideratzen da.

Beranduago, 1860ko hamarkadan, Frantzian, belozipedoa sortu zen draisina oinarri hartuta^[1].

Historia[aldatu | aldatu iturburu kodea]

1817an Karl Christian Ludwig Drais von Sauerbronn baroi alemaniarrak bi gurpileko lehen ibilgailua diseinatu zuen. Makina hau, draisina deitua (bere asmatzailearen omenez), "Makina ibiltaria" deitua (alemanez laufmaschine), bizikleta eta motozikletaren aitzindaria izan zen. "Makina ibiltari" hori bi gurpileko gurdi moduko bat zen, bata bestearen atzean jarriak, eta eskuleku bat. Pertsona zela txiki baten gainean eserita zegoen, burdinazko beso-euskarri baten gainean, eta eskuekin egurrezko makila bati eusten zuen, aurreko gurpilari lotuta, gidariak joan nahi zuen norabidean jiratuz.

Asmakizun hau, pertsona batek, ibiltzean, bere pisua oin batetik bestera txandaka mugitu behar izateagatik indar asko galtzen duen ideian oinarritzen zen. Draisek lortu zuen ibilgailu xume hau sortzea, gizonari lan hori ekiditea ahalbidetzen ziona. Makina horrek, azkar eboluzionatu zuen, egungo bizikletara iritsi arte. Gaur egun, pedalik gabeko jatorrizko diseinua oreka-bizikletan erabiltzen da (pedalik gabeko entrenamenduko bizikleta bezala ere ezagutzen da).