Elektroiman

Motor elektrikoetan, estatore induzitzailea elektroiman bat izaten da

Elektroimana korronte elektriko batek artifizialki imandutako burdina gozozko pieza da. Korrontea kentzen zaion orduko, galdu egiten du burdinak iman-egoera.

Elektroimanak ferra-itxura izaten du maiz, eta hari eroaleak dauzka inguruan, mataza baten gisa bildurik. Korrontea mataza horretatik igarotzen denean imantzen da burdinaren muina.

Erabilera

Txirrin elektrikoetan, dinamoetan, sarraila elektrikoetan eta era askotako erregulazio- eta kontrol-gailu askotan erabiltzen da elektroimana.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.