Gasolio

Wikipedia(e)tik
Hona jo: nabigazioa, Bilatu
Gasolioa ezin da urarekin nahasi.

Gasolioa edo diesela erregai mota bat da, jatorria petrolioan duena.

Erabilera[aldatu | aldatu iturburu kodea]

Gasolioaren erabilera azken hamarkada honetan nabarmenki hazi da, batez ere elektrizitatearen sorkuntzan, itsasontzietan eta beste hainbat sektoreetan. Baina bataz ere automozioaren sektorean izan du hazkuntza handiena, eman dezakeen potentzia, karga aldaketa eta kontsumoaren ondorioz. Sektore honetan diesel motorra izan da gasolioa erabilera duena, eta hau merkantzien garraio ibilgailuetan erabili da batez ere. Gainera azken hamarkada honetan turismo autoetan motor hauen erabilera asko hazi da, eta horren ondorioz gasolio autoen salmenta gasolina autoen aurrean berdindu egin da.

Gaur egun, automobilaren industriak motor bat diseinatzerakoan hainbat espezifikazio bete behar ditu motorraren prestazio, fidagarritasun eta iraunkortasuna bermatzeko. Diseinu honek petrolioaren dependentzia handia du zeren eta munduan fintzen den petrolioaren %47a garraio ibilgailuei eta gasolio eta gasolina autoei dagokio. Honetaz gain, kontsumitzen den petrolio guztia inportatu egiten da politikoki ezegonkorrak diren herrialdeetatik eta hau arrisku bat da. Gainera kontutan hartzen bada petrolio erreserben muga, kontsumoa gero eta handiagoa dela, eta bere prezioaren aldakortasuna eta garestitzen joateko joera duela, herrialdeek petrolioaren horniketari buruzko kezkak dituzte.

Bestalde, gaur egun autoen erabilera oso handia da, 500 milioi baino gehiago mundu guztian zehar, eta honek inguru gaineko eragin nabaria du, batez ere CO2-ari dagokionez. Honen ondorioz ingurugiro arauak gogortu egin dira azken urteotan, auto fabrikatzaileei konbustio garbiagoak egitera behartuz. Petrolio industria ere emisio hauen jaitsiera lortzera behartu da, gasolioari osagarri berriak gehituz ingurugiroarekiko inpaktua gutxitzearren. Egoera honen aurrean Europako erakunde ezberdinak 90.hamarkadatik aurrera energia berriztagarrien erabilera bultzatzen saiatu dira, horrela petrolioarekiko daukagun dependentzia gutxitzeko eta ingurugiro inpaktua gutxitzeko asmoarekin.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Gasolio Aldatu lotura Wikidatan