Hirigintza taktiko
.jpg)
Hirigintza taktikoa aldi baterako esku-hartze laster eta merkea da[1], ingurune eraikia eraldatzeko asmoarekin egina, ohiko hirigintza prozesu geldo eta garestiei itxaron gabe (edo etorri bitartean). Gehienetan herritarra, parte-hartzailea eta iragankorra da, batez ere biztanleek edo militanteek sustatua, nahiz eta administrazio publikoek ere erabiltzen duten[2]. Helburu nagusia auzokoentzako elkarguneak sortzea eta espazio publikoak berreskuratzea edo biziaraztea izan ohi da, are eta hiri iraunkorreratz abiatzea.
Terminoa 2010 inguruan agertu zen, ezaugarri zehatz batzuk dituzten hirigintza-teknika multzo bat izendatzeko. Hauek dira ezaugarri batzuk[3]:
- aldaketa helburu duen pausoz-pousoko ikusmoldea izatea
- tokiko irtenbideak eskaintzea tokiko erronkei aurre egiteko
- epe laburreko konpromisoa eta helburu errealista
- arrisku gutxikoa, baina emaitza handikoa
Park(ing) Day edo Guerrilla Gardening bezalako mugimenduak hirigintza taktikoaren kasu ezagunenetako batzuk dira.
Jatorria[aldatu | aldatu iturburu kodea]
Hirigintza taktikoaren mugimendua hainbat hiri inguruneko esperimentaziotan oinarritzen da, horien artean Ciclovía (Bogotan), Paris-Plages (Parisen) eta oinezkoen gune berriak (New Yorken). Baina ekintza hauek administrazio publikoek sustatuak dira eta badira lehenagoko beste hainbat adibide herritarrek sustatuak.
Erreferentziak[aldatu | aldatu iturburu kodea]
- ↑ Laura Fernández. (2011-03-09). Epe laburreko taktikak hiri ingurunea hobetzeko. SPRI agentzia.[Betiko hautsitako esteka]
- ↑ (Ingelesez) Pfeifer. The Planner's Guide to Tactical Urbanism. Regina Urban Ecology (Noiz kontsultatua: 2014-10-23).
- ↑ (Ingelesez) Lydon, Mike; Bartman, Dan; Garcia, Tony; Preston, Russ; Woudstra, Ronald. (2012ko martxoa). Tactical Urbanism Short-term Action Long-term Change Volume 2. The Street Plans Collaborative (Noiz kontsultatua: 2014-10-23).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q18387510
Multimedia: Tactical Urbanism / Q18387510