Hugo Riemann
Hugo Riemann (Grossmehira, Alemania, 1849ko uztailaren 18a - Leipzig, Alemania, 1919ko uztailaren 10a) musikologoa izan zen. Funtsezko lanak idatzi zituen harmoniari buruz. Hanburgon (1881-1890) eta Wiesbadenen (1890-1895) izan ondoren, Leipzigeko musikologia institutuko zuzendari nagusi izan zen. 1882an Musiklexikon («musika hiztegia») obra ospetsua argitaratu zuen, eta 1887an harmoniari buruzko liburu bat. Musikaren historiarako gidaliburu bat idatzi zuen (1901-1913), eta IX-XIX. mendeetako musikaren teoriaren historia bat utzi zuen prestaturik (1920an argitaratua).
Erreferentziak
 |
Wikimedia Commonsen badira fitxategi gehiago, gai hau dutenak: Hugo Riemann  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.