Invasion of the Body Snatchers (1956ko filma)
Invasion of the Body Snatchers 1956an Don Siegelek zuzendutako zientzia-fikzio filma dugu. Bi urte lehenago, 1954an, Jack Finney idazleak The Body Snatchers kontakizuna aldian-aldian eman zuen argitara Colliers Magazinen; 1955ean atera zen liburua (Dell argitaratzailea, New York).
Argumentua
Oharra: Atal honek istorio osoa edo amaiera argitzen du. |
Biltzar batetik bueltan Miles Bennell medikua lurretik kanpo etorritako izakiek Santa Mira herriko biztanleak ordezkatu dituztela jabetzen da, haien gorputz eta gogoaren jabe egin direla, eta izurria herrialde osoan zabaltzekoa bide da. Espaziotik etorritako esporak leka bihurtu dira, eta berauetatik herritarren berdin-berdinak sortu dira. Izaki hauek ez dute sentimendurik.
Hainbat kontu
Zein garaitan egin zuten kontuan hartuta, ezinbestekoa da McCarthyismoaren eragina aipatzea eta Gerra Hotzaren testu-ingurua kontuan hartzea; hariak duen bilakaerak Ameriketako Estatu Batuetan mamu zen komunismoaren arriskuarekin egiten du bat: etsaiak kanpotik etorriak dira, eraiki nahi duten gizartean norbanakoak ez du baliorik, sentimenduek ez dute inongo azalpenik... Dena den, proiektuan parte hartu zutenetako askok halako loturak funts bakoak direla diote, ez zegoela inongo asmorik lanaren gaineko irakurketa politikoa sortzeko.
Don Siegelen filmak izan du jarraipena zinemaren munduan: 1978an izen bereko filma zuzendu zuen Philip Kaufmanek, Invasion of the Body Snatchers ; 1993an Abel Ferrarak Body Snatchers lana egin zuen, eta 2007koa da The Invasion, Oliver Hirschbiegelek sinatua.
Aktorea | Pertsonaia |
---|---|
Kevin McCarthy | Dr. Miles Bennell |
Dana Wynter | Becky Driscoll |
Larry Gates | Dr. Daniel Kaufman |
King Donovan | Jack Belicec |
Carolyn Jones | Theodora Belicec |
Sam Peckinpah | Charlie Buckholtz |
Kanpo loturak
Wikimedia Commonsen badira fitxategi gehiago, gai hau dutenak: Invasion of the Body Snatchers (1956ko filma) |
- (Ingelesez) Filma IMDB atarian
- (Ingelesez) "Invasion of the Body Snatchers: A Tale for Our Times," John W. Whitehead-en artikulua, Gadfly Online atarian, 2001eko azarokoa: filmak biltzen dituen auzi politikoen gainean
- (Ingelesez) McCarthyism and the Movies McCarthyismoa zinemagintzan
- (Ingelesez) Eleberriaren eta zinemarako egindako hiru egokitzapenen arteko aldeak