Jasokundeko Andre Mariaren eliza (Olleta)

Jasokundeko Andre Mariaren eliza
	Jatorriz elizan kokatutako horma-pintura, Olletako Bigarren Maisuak (1475-1500) egina
Kokapena
Herrialdea	Euskal Herria
Probintzia	Nafarroa Garaia
Udalerria	Leotz
Koordenatuak	42°35′05″N 1°32′23″W / 42.58471751°N 1.53965607°W

Jasokundeko Andre Mariaren eliza Nafarroa Garaiko Orbaibar ibarreko Leotz udalerriko Olleta kontzejuan kokatutako XII. mendeko kristiau eliza bat da. Erromaniko estiloa ditu.

Eraikina[aldatu | aldatu iturburu kodea]

Katalaingo Kristo Santuaren baselizarekin eta Azueloko San Jurgi monasterioarekin batera, Nafarroako landa-erromanikoaren erakusgarri oso interesgarria da, eta haren tipologia homogeneoa Antso V.a Ramiritzen garaian eraikitako Loarre-Lobarre aragoiar herriko elizatik dator. Olletako fabrika primitiboa XII. mendearen bigarren erdialdekoa da, nahiz eta Joan Azkaratek 1600. urtean egindako berrikuntzen berri badagoen, gero Juan Flamarique Artariaingo harginak ezagutu zituenak. 1727an beste obra batzuk dokumentatu ziren Kristoren kaperan, Sebastian Elizari harginaren eta Juan de Ameztoi arotzaren eskutik. Azkenik, 1956an, gaur egun Nafarroako Museoan gordetzen diren horma-pinturak aurkitu ziren.