Jauregia (Antsoain)
- Artikulu hau Antsoaingo eraikinari buruzkoa da; beste esanahietarako, ikus «Jauregi (argipena)».
Jauregia (Antsoain) | |
---|---|
Kokapena | |
Herrialdea | Euskal Herria |
Probintzia | Nafarroa Garaia |
Udalerria | Antsoain |
Koordenatuak | 42°50′N 1°39′W / 42.84°N 1.65°W |
Kontaktua | |
Helbidea | San Kosme eta San Damian kalea, 3, Antsoain |
Jauregia Nafarroako Antsoain udalerrian dagoen jauretxe bat da.
Kokalekua[aldatu | aldatu iturburu kodea]
Herrigune historikoan dago, Ezkaba mendiaren magalean, San Kosme eta San Damian kalearen 3. zenbakian.
Historia[aldatu | aldatu iturburu kodea]
Leku honetako Jauregiak Nafarroako Erresumaren izendegi ofizialean ageri denez Oinetxe izena zuen. 1614an jabeari, Luis de Barros jaunari, Gorteetan esertzeko eskumena eman zioten.
1665ean Miguel Iribasena zen eta 1681ean haren oinordeko Jose Iribasena. 1749an eta 1758an, zatiak berriro banatzeko eskatu zuen Francisco Iribasek. 1783an, berriz, Jose Iribas Radak. Eta 1799an Manuel Maria Iribasek lortu zuen.
Eraikina[aldatu | aldatu iturburu kodea]
Armagintza Liburuan ageri denez, jatorrizko ezkutua zatikatua zen: urrezkoa, bi sable-otsorekin. Eta azpian, zelai gorrian, zilarrezko elementu bat, karakol formakoa. Barnean, erdiko patio baten inguruan daude antolatuta sailak. Patioa Erdi Arokoa dela uste da, eta zabalgune bat du, XVIII. mendekoa. Alde batean ezkutu handi bat dago, kiribildutako larruekin egindako kartela baten gainean. Kasketa du txirrin gisa, eta eremua zatituta du: ezkerraldean gurutze bat eta lau xingola izar-zerrenda batekin txandakatuta; eskuineko zatian ere bi atal daude, eta jauregiaren berezko armak ageri dira bertan, bi otso eta behera begira dagoen ilargi erdia.