Kai Gane

Kai Gane
	Eraikitako euskal ondasun nabarmena
	Getxoko eremu berezia
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Getxo
Koordenatuak	43°19′37″N 3°00′58″W / 43.327025°N 3.016075°W
Arkitektura
Arkitektoa	Severino Atxukarro; Manuel María Smith
Ondarea
EJren ondarea	36

Kai Gane Getxo udalerriko Areeta Auzoan kokatzen da. Barria 25 kalean konkretuki. Interes eta antzinatasun handiko eraikina da, baita hemeretzigarren mendeko azken hiribildu handietako bat ere. Areetako Kaiko eremu honetan, hiribilduak nagusi ziren garai hartan.^[1]

Eraikina[aldatu | aldatu iturburu kodea]

Severino Atxukarrok 1889. urtearen inguruan egindako udaldirako hiribildu originala da. Manuel María Smithek zenbait aldaketa egin zituen Europako iparraldeko etxeen antza zuen obra pintoresko honetan, eta 1907. urtean behin betiko etxe bihurtu zuen. Aldaketa horiek, fatxada nagusiaren dorrearen gorputzean egin zituen batez ere, eta Old- English estilotik zenbait apaingarri ere hartu zituen. Hala ere, Gerra Zibilaren ondoren zenbait erreforma egin zituzten (Eugenio Aguinagak handiena egin zuen), eta dekorazioa sinplifikatu zuten. Horrela, gaur egungo bistako adreilua jarri zuten.

Etxea udaldirako egoitza moduan eraiki zuten Fernando Zabalburu Ybarrarentzat. Bizkaiko antzinako ahaldun nagusiaren (Juan Francisco Ramón Zabalburu Murga) eta Concepción Ybarra Gutiérrez de Cabiedes bere emaztearen semea zen. Hortaz, XIX. mendeko bigarren zatian, Bizkaiko merkataritzaren, meatzaritzaren eta industriaren klan nagusiarekin ahaidetuta zegoen amaren bitartez; Ybarratarrekin alegia. Haietako asko auzokoak zituen Areetan.