Lucia Perotti

Lucia Perotti
Bizitza
Jaiotza	1568 (455/456 urte)
Jarduerak
Sinesmenak eta ideologia
Erlijioa	Erromatar Eliza Katolikoa

Lucia Perotti (Cremona, Italia, 1568ko azaroaren 18a - 1641) italiar maistra katolikoa izan zen, emaztea, familia ama, mistikoa eta, geroago, Beata Birjinaren Kongregazioaren sortzaile eta erlijiosoa.^[1]

Biografia[aldatu | aldatu iturburu kodea]

Lucia Perotti Cremonan (Italia) jaio zen 1568ko azaroaren 18an, nobleziaren familia batean. Bere gurasoak Giuliano Perotti eta Angela Tinti izan ziren. Bere lehen ikasketak angelikoak kongregaziokoen eskutik jaso zituen. Gaztetan, ama hil ondoren, Cremonako gazte batekin ezkondu zen, eta harekin Isabel izeneko alaba izan zuen. Senarra eta alaba txikia hil egin ziren eta aitaren etxera itzuli behar izan zuen. Hainbeste galera izan arren, Luzia ez zen inoiz bere zoriaz kexatu, eta beti ikusi zuen horretan Jainkoaren borondatearen asmo bat..^[2]

Bartolomeo Cambi fraide frantziskotarraren ahotik kristau fedearen funtsezko egiei buruzko sermoia entzun ondoren, bere noblezia-bizitzako harrokeriak alde batera utzi eta Jainkoari erabat bere burua eskaintzea erabaki zuen, karitate-lanen bidez. Bere bokazioa, Ama Birjinarekin izandako esperientzia mistiko batek berretsi zuen. Beste hiru emakumerekin Cremonako San Omobono elizan bizitzea erabaki zuen, 1610eko maiatzaren 6an. 1612ko otsailaren 2an, Giovanni Battista Brivio Cremonako gotzainak elkartea onartu zuen elizbarrutiko zuzenbideko kongregazio erlijioso gisa, eta horrekin hasi zen Beata Birjinaren Kongregazioa, neska txiroen hezkuntza eta kristau-heziketa helburu zuena. 1641ean hil zen bizitza heziketari eskaini ondoren.^[2]