László Moholy-Nagy
László Moholy-Nagy (hungarieraz ˈlɑ̈ːsloː ˈmoholiˌnɒɟ ahoskatua; Bacsbarsord, 1895eko uztailaren 20a - Chicago, 1946ko azaroaren 24a) hungariar margolaria eta eskultorea izan zen. Lissitzkyren kide izan zen teoria konstruktibisten hedapenean. 1922an "Bauhaus" izeneko mugimenduan sartu zen. Beira, nikela eta plexiglasa erabili zituen bere diseinuetan. Erabat esperimentalista izan zen, eta alor askotan aritu zen lanean: margolaritzan, eskulturan, diseinuan, argazkigintzan. 1938an New Bauhaus, gaur egun Diseinu Institutua dena, sortu zuen Chicagon. Eragin handia izan zuen Amerikako industria-diseinuan.
Erreferentziak
 |
Wikimedia Commonsen badira fitxategi gehiago, gai hau dutenak: László Moholy-Nagy  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.