Mercedes Hurtado de Álvarez

Mercedes Hurtado de Álvarez
Bizitza
Jaiotza	Popayán, 1840
Herrialdea	Kolonbia
Heriotza	Bogota, 1890 (49/50 urte)
Familia
Seme-alabak	ikusi Mercedes Álvarez de Flores (en) ;
Hezkuntza
Hizkuntzak	gaztelania
Jarduerak
Jarduerak	idazlea

Mercedes Hurtado de Álvarez (Popayán, Nueva Granada Errepublika, 1840 – Bogota, Kolonbia 1890) emakume idazle kolonbiarra izan zen. Onartuta dago Kolonbian liburu bat plazaratu zuen lehenengo emakumea bera izan zela. Bere alaba ere idazlea izan zen, Mercedes Álvarez de Flores.

Biografia[aldatu | aldatu iturburu kodea]

1840. urtean jaio zen Kolonbiako Popayán hirian, Cauca departamenduan, eta, ondoren, Bogota hirira joan zen. Soledad Acostak bere garaian arrakastaz idatzi zuten idazle kolonbiarren artean aipatzen du. Era berean, hainbat aldizkarirekin kolaboratu zuen.^[1]

Alfonso. Cuadros de costumbres izenburuko eleberri bat idatzi eta argitaratu zuen 1870ean. Alfonso lanean, garaiko tentsio sozialak erretratatzen dira. Cristina Valckeren arabera, hau izan zen emakume kolonbiar batek inprimategi batean argitaratutako lehen eleberria; aurretik Soledad Acostak bakarrik argitaratu zituen bere lanak egunkariekin batera zetozen liburuxken bidez.

Obra José María Torres Caicedo doktoreari eskainita dago. Han emakume gisa agertzen zen, garaiko gizarte patriarkalaren printzipio moraletan kontserbadore izateko asmoarekin. Hala ere, bere garaikideak ez bezala, bere izenarekin argitaratu zuen liburua, eta ez izengoiti batekin. Bogotan hil zen, 1890ean.^[2]