Noah Gordon (eleberrigilea)

Wikipedia(e)tik
Hona jo: nabigazioa, Bilatu
Noah Gordon, Bartzelonan The Bodega aurkeztu zuenean.

Noah Gordon (Worcester, Massachusetts, Ameriketako Estatu Batuak, 1926) ingelesezko eleberrigilea eta kazetaria da. Estatu Batuetako bere garaiko idazle hoberenetako bat.

Bizitza[aldatu | aldatu iturburu kodea]

Kazetaritza eta Letretako ikasketak egin zituen Bostongo Unibertsitatean. Medikuntza ere ikasi zuen, gurasoek hala eskatuta, eta mundu horrekin lotu zen pixkanaka, ikasketak bukatu gabe utzi bazituen ere. 1951n, zenbait egunkarirentzat idazten hasi zen kazetari gisa, Worcester Telegram eta The Boston Herald argitalpenentzat, besteak beste. 1964an, kazetaritza zientifikoa egiten hasi zen. Psychiatric Opinion medikuntza-aldizkari ospetsuan argitaratzaile izan zen hamar urtez, eta Estatu Batuetako aditu handienetako bat izatera iritsi zen gai horretan.

Idatzi dituen eleberrien artean, aipagarriak dira The Rabbi (1965), The Death Committee (1969) eta The Jerusalem Diamond (1979).

Medikuntza gaitzat harturik, berriz, trilogia bat idatzi du: The Physician (1988), Shaman (1992,) eta Matters of Choice (1996). Hiru eleberri horietan, mediku-lanbidearen azterketa zabala eta sakona egiten du, Erdi Arotik hasita gaur egun arte. The Physician eta Matters of Choice eleberriek Gipuzkoako liburu-saltzaileek Donostiako Liburu Egunean gehien saltzen den liburuari ematen dioten saria irabazi zuten 1992an eta 1995ean, hurrenez hurren.

Orduz geroztik, The Last Jew (1999), Sam and Other Animal Stories (2002) eta The Bodega (2007) idatzi ditu.

Kanpo loturak[aldatu | aldatu iturburu kodea]

Erreferentziak[aldatu | aldatu iturburu kodea]