Páramo de Masa

Páramo de Masa
Páramo de Masa
Datu orokorrak
Garaiera	1.130 m
Mota	natural region (en)
Geografia
Koordenatuak	42°37′02″N 3°43′44″W / 42.617132°N 3.7288406°W
Estatu burujabe	Espainia
Autonomia	Gaztela eta Leon
Probintzia	Burgosko probintzia

Páramo de Masa edo Masako eremua Burgosko probintziako iparraldean dagoen eskualde naturala da, Alfoz de Burgos eta Páramos eskualdeen artean dagoena. Barnean Merindad de Río Ubierna, Los Altos, Valle de Sedano eta Tubilla del Agua udalerriak ditu. Cernégula, Quintanaloma, Villalta eta Poza de la Saletik heldu daiteke.

Bataz beste 1.000 metro baino gehiagoko altueran kokatuta, kareharrizko eremu honetan zuhaitzik ez dago apenas eta landare mota gutxi; txilar gorria, ainar purpura eta ezkaia beste landarerik ez da izaten. oso aromatikoak izaten dira horiek udan.

Altoteiro-ko puntan mendi-postontzi bat dago (Alto Teixo edo La Mojoya ere deitzen zaio), 1175 metrotan dago Masako paramoan. 1980ko martxoan jarri zuen Club Mirandés de Montañak, Félix Rodriguez de la Fuente lagunaren oroimenean. Poza de la Saletik Altoteiro-ra oinez igotzeko bidea badago.^[1]

Akuiferoak[aldatu | aldatu iturburu kodea]

Puntu batzuetan, lurzoru harritsua hondoratu egin da, eta lurrazpiko akuifero zabal batzuetako urak azaleratu dira. Eremuaren hegaletan azaleratzen dira, eta batzuetan ur-ekarpen handiarekin, Tubilla del Agua ibarrean gertatzen den bezala, Errudron ibarrean, La Calderona, La Fuentona edo Txurron bezalako iturburuekin.

Jatorri karstikoko aintzirak[aldatu | aldatu iturburu kodea]

Garrantzitsuenak Pola Vieja, Venta Parra eta Cernégula dira.

Fauna[aldatu | aldatu iturburu kodea]

Estepako hegaztientzako habitat aproposa: Ezkai-txinboa, kalandria, alondra, basoilo txikia eta atalarra.

Portugalgo pirripioaren, basoiloaren eta mirotz urdinaren ale urrietako batzuk ere badaude.

Lehergailu-fabrika[aldatu | aldatu iturburu kodea]

Quintanilla-Sobresierran, Masako eremuko lehergaien fabrika dago, Explosivos de Burgos (EDB) enpresarena. Enpresa hori EXPAL taldekoa da (Explosivos Alaveses, S. A), eta, aldi berean, Espainiako Unión Española de Explosivos taldekoa da, Grupo Pallas Investment taldeko zati bat dena (Swiss Bank, AGF, Credit Lyonnais eta Elf Aquitaine).