Periskopio
Wikipedia(e)tik
Periskopioa zuzenean ikusi ahal izatea galarazten duen oztopoaren gainetik zerbait begiztatzeko balio duen optika-tresna da.
Periskopio-mota ohikoena L formako hodi huts bat izaten da, goiko muturrean eta L-aren angeluan prismak dituena. Prismek behatu nahi den irudiaren argiaren norabidea aldatzen dute eta horrela irudia behatzailearen begian islatzea lortzen da; lehenengo prisma behatzen den irudiaren argiarekiko 90°-ko angeluan dago ezarria, eta handik, hodian beherantz islatzen du irudia hodiaren angeluko prismara. Bigarren prisma ere jasotzen duen argiarekiko 90°-ko angeluan ezarria dago eta horizontalean islatzen du irudiaren argia behatzailearen begiraino.
Erabilera [aldatu]
Periskopioak gerrako tankeetan eta itsaspekoetan erabiltzen dira batez ere.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
