Ray Harryhausen

Wikipedia(e)tik
Hona jo: nabigazioa, Bilatu
Ray Harryhausen, Londresen, 2007an.

Raymond Frederick Harryhausen (Los Angeles, Ameriketako Estatu Batuak, 1920ko uztailaren 29a - Londres, Erresuma Batua, 2013ko maiatzaren 7a) zinemako efektu berezietako teknikaria eta zinema ekoizlea izan zen.

Ezaguna zen stop motion animazio teknika erabiltzeagatik. Teknika horretan, panpin bat erabiltzen da, haren mugimenduak fotogramaka grabatuz, alegia, nahi den posizioan jarri eta fotograma grabatu, mugitu hurrengo posiziora eta berriro fotograma grabatu. Fotograma guztiak jarraian ikusiz, mugimendua sortzen da. Bere lanik ezagunenak El gran gorila edo Mighty Joe Young 1949an (Willis O'Brien-ekin batera, efektu berezien Oscar saria jaso zuen filma honekin), The 7th Voyage of Sinbad 1958an (koloretan egin zuen lehen filma), Jason and the Argonauts 1963an eta Clash of the Titans 1981ean.