Steve McQueen

Steve Mcqueen
	Irudi gehiago
Bizitza
Jaiotzako izen-deiturak	Terrence Steven McQueen
Jaiotza	Beech Grove (Indiana), 1930eko martxoaren 24
Herrialdea	Ameriketako Estatu Batuak
Lehen hizkuntza	ingelesa
Heriotza	Ciudad Juárez, 1980ko azaroaren 7; (50 urte) (50 urte)
Heriotza modua	berezko heriotza: birikako minbizia
Familia
Aita	William McQueen
Ama	Julia Crawford
Ezkontidea(k)	Neile Adams (en) (1956 - 1972); Ali MacGraw (1973 - 1978); Barbara Minty (1980 -
Seme-alabak	ikusi Chad McQueen; Terry Leslie McQueen (en) ;
Familia	ikusi Steven R. McQueen (son's son (en) );
Hezkuntza
Heziketa	Neighborhood Playhouse School of the Theatre (en) ; Actors Studio ; Boys Republic (en) ; HB Studio (en)
Hizkuntzak	ingelesa
Irakaslea(k)	Uta Hagen; Herbert Berghof (en)
Jarduerak
Jarduerak	aktorea, zinema aktorea, motoziklista, automobil-pilotua, telebista-aktorea eta antzerki aktorea
	Parte-hartzailea Le Manseko 24 Orduak ; International Six Days Enduro (en) ;
Altuera	177 zentimetro
Jasotako sariak	ikusi National Defense Service Medal ; Izarra Hollywoodeko Ospearen pasealekuan ; Off-road Motorsports Hall of Fame (1978) ;
Genero artistikoa	Westerna
Zerbitzu militarra
Adar militarra	Ameriketako Estatu Batuetako Marineen Gorputza
	http://www.stevemcqueen.com/ www.stevemcqueen.com

Terrence Steven McQueen (Beech Grove, 1930eko martxoaren 24 - Ciudad Juarez, 1980ko azaroaren 7) Estatu Batuetako aktorea zen.

Biografia

Aktore izan baino lehen egurgile, marine, kamarero eta zamaketari aritu zen McQueen (1930-1980). Marcado por el odio (1956) filmarekin egin zuen debuta zinemaren munduan eta ospe handia lortu zuen Wanted: dead or alive telesailarekin.

Terrence Steve McQueen 1930. urteko martxoaren 24an jaio zen Slaterren (Missouri, AEB). Aitak abandonaturik utzi zuen eta amarekin Kaliforniara joan zen. Umetan oso bihurria zen eta barnetegi batera eraman zuten, baina alde egitea lortu zuen. Nerabezaroan lan desberdinak burutu zituen McQueenek; besteak beste, egurgile eta itsasgizon aritu zen. 17 urterekin ejertzitora sartu zen, Marinan izena eman zuelarik.

20 urte zituenean marine izatea gustuko ez zuela konturatu zen eta, beste lan batzuen artean, kamarero eta zamaketari aritu zen. Hala ere, lan guztiak utzi zituen interpretazioari ekin zionean; Neighborhood Playhouse New Yorkeko eskolan sartu zen aktorea. 22 urterekin eman zuen izena bertan eta 25ekin Broadwayn egin zuen debuta Hatful of rain antzezlanarekin. Gainera, Actors Studio Lee Strasbergen eskolan ere ikasi zuen McQueenek.

1956. urtean zinemaren munduan Robert Wiseren aktoreak Somebody Up There Likes Me (1956) filmean debuta egin zuen. Gainera, McQueenek filma horretan Paul Newmanekin lan egin zuen. Paper laburra egin zuen aktoreak lan horretan, baina bere hurrengo filmean, The Blob (1958), protagonistarena egin zuen. Urte horretan, gainera, Wanted: dead or alive telesailean hartu zuen parte eta 1961 arte egon zen pantailan, arrakasta handia lortu zuelarik.

50eko hamarkadan zenbait pelikuletan lan egin ondoren, The Magnificent Seven (1960) filmarekin egin zen benetan famatu aktorea. Los siete samurais Akira Kurosawa idazlearen liburuan oinarritu zen John Sturges zuzendaria pelikula hori egiteko. Hiru urte lehenago Neile Adams (Aqui, un amigo) aktorearekin ezkondu zen .

60ko hamarkadan zinemazaleen aktore gustukoena zen Steve McQueen. The Great Escape (1963), Love with the Proper Stranger (1963), The Cincinnati Kid (1965), Nevada Smith (1966), The Sand Pebbles (1966), Bullitt (1969), The Thomas Crown Affair (1968) eta Los rateros (1969) filmetan hartu zuen parte, besteak beste Missourikoak. Gainera, El Yang-Tse en llamas pelikulan egindako lanagatik Oscar sarirako izendatu zuten.

1972. urtean Mcqueen eta Adams banandu egin ziren aktore ospetsuak Ali McGrawrekin harremana izan baitzuen The Getaway (1972) pelikulan. 1973an elkarrekin ezkondu ziren, baina bikoteak bost urte baino ez zuen iraun.

70eko hamarkadan film gutxiago egin zituen aktoreak eta aisialdiaz gozatzeko parada izan zuen. Garai horretako lan ezagunenak Le Mans (1971), The Getaway (1972), Junnior Bonner (1972) eta Papillon (1973) izan ziren. The Towering Inferno (1974) filman ere egin zuen lan.

1978ean Ali McGrawrengandik banandu ondoren, zinema alde batera uztea erabaki zuen. Steve McQueen Barbara Minty modeloarekin ezkondu zen 1980an. Zoritxarrez gutxi iraun zien pozak: McQueen urte horretako azaroaren 7an hil zen Juarezen (Mexiko) biriketako minbizi baten eraginez. 50 urte zituen aktoreak.