The Endless (filma)

The Endless (filma)
Jatorria
Argitaratze-data	2017
Izenburua	The Endless
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	beldurrezko zinema, Fikzio espekulatiboa eta thrillerra
Zuzendaritza eta gidoia
Zuzendaria(k)	Justin Benson; Aaron Moorhead (en)
Gidoigilea(k)	Justin Benson (en)
Bestelako lanak
Musikagilea	The Album Leaf (en)
Argazki-zuzendaria	Aaron Moorhead (en)

The Endless (euskaraz Amaigabea), 2017ko Justin Benson eta Aaron Moorhead estatubatuarrek zuzendu, idatzi eta antzeztutako zientzia-fikzio eta beldurrezko drama film bat da. Justin Benson eta Aaron Moorheadez gain, Callie Hernandez, Tate Ellington, Lew Temple eta James Jordan aktoreek antzeztu zuten.

2017ko apirilaren 21ean Tribecako Zinemaldian estreinatu zen, ondoren 2018ko apirilaren 16an mundu osoan estreinatzeko.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Duela urte batzuk, Justin (Justin Benson) eta Aaron Smith (Aaron Moorhead) anaiak haurtzarotik hazi ziren sekta batetik ihes egitea lortu zuten. Orain, Los Angeles hiriko alokairuko apartamentu batean lanik gabe eta estuasun ekonomikoekin nahiko larri bizi dira. Egun batez, sektaren bideozinta bat jasoko dute, eta Aaroni ihes egin zuten sektaren kanpalekura itzultzeko zalantza piztuko zaio. Hasiera batean Justinek sektara itzultzeari uko egingo dio arriskutsuak direla aipatuz, baina ondoren Aaron anaia depresiotik ateratzeko lagungarria izan daitekelakoan baiezkoa emango dio, betiete sektarekin egun bakar batez egon eta hirira itzultzeko baldintzapean. Hortaz, bi anaiak sektaren kanpalekura itzuliko dira.