Thomas Chippendale
Thomas Chippendale (Otley, Yorkshire, Ingalaterra, 1718ko ekainaren 16angreg. bataiatua - Londres, Ingalaterra, 1779ko azaroa) zurgin ingelesa izan zen.
Biografia
Grabatuei buruz idatzi zuen liburua Ingalaterran inoiz argitaraturiko altzari marrazkien bilduma nagusia da (The Gentleman´s and Cabinet Maker´s Director, 1759-1762). Thomas Chippendalek sorturiko altzari estiloen multzoari Chippendale estiloa deritzo, XVIII. mendearen bukaeran modan egon zena. Hiru iturburu nagusi ditu estilo honek: gotikoa, rococoa eta Txinakoa. Chippendalek trebezia aparta erakutsi zuen hiru estilo horiek harmoniaz elkartzean. Oraindik ere, haren altzariak biziak eta dotoreak dira.
 |
Wikimedia Commonsen badira fitxategi gehiago, gai hau dutenak: Thomas Chippendale  |
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.