Txintxiketa

Txintxiketa trebezia erakusteko haur-jolasa da. Juan Garmendia Larrañaga etnografoak Orexan, Gipuzkoan jaso zuen jokoaren inguruko informazioa.

Arauak

Neska-mutilen joko hau lurrean laukia edo zirkulua eginez hasten zen, eta zozketan egokitutakoak tarte jakin bat uzten zuen marrarekiko. Orduan, makila mutur-zorrotza bota eta marra barruko gunean sartzen ahalegindu behar zuen. Tanto-kopuru jakinera jokatzen zen; makila marra barruan lurrean sartuta uzten zuenak tantoa bereganatzen zuen, eta tanto horiek aurrena eskuratzen zituena bere txandaren barruan irabazle gertatzen zen.

Kanpo estekak

• Juan Garmendia Larrañaga: Ume jolasak, Eusko Ikaskuntza, 2007, 64.or.