1622ko sarraski indigena

1622ko sarraski indigena
Mota	masa hilketa
Data	1622ko martxoaren 22a
Kokaleku	Jamestown
Herrialdea	Ameriketako Estatu Batuak
Pertsona hilak	347

1622ko sarraski indigena, Jamestowneko sarraskia izenez ere ezaguna, Virginiako Kolonian gertatu zen 1622ko martxoaren 22an, ostiral santuan, eta Opchancanough buruzagiak zuzendutako Powhatan Konfederazioaren ezusteko eraso batzuen ondorioz sortu zen. Erasoan 347 pertsona inguru hil ziren, Jamestowngo ingeles biztanleriaren herena inguru.

Jamestown Ipar Amerikako ingeles lehen kolonia izan zen 1607an, eta Virginia koloniaren hiriburua izan zen. Jamestown bera hilketatik salbatu bazen ere azken orduko ohar baten bidez , James ibaian zehar kolonia txikiago asko ezarri ziren, bai ibaian gora bai ibaian behera. Erasotzaileek gizon, emakume eta haurrak hil zituzten, etxeak eta laboreak sutan jartzen zituzten bitartean.

Henrico zen orduan hedapen betean zeuden komunitate txikietako bat, eta indigenen eraso koordinatuen zatirik okerrena jasan zuena. Kolonia horietako asko gertakarien ostean abandonatu egin ziren. Hildakoen aztarnategi handienetako bat Wolstenholme Towne izan zen, eta Jamestowndik 7 miliatara ibaian behera dauden azken indusketa arkeologikoetan beste aztarnategi bat aurkitu da.

Aurrekari historikoak

Ingelesen eta Powhatan herriaren arteko lehen gerraren ondoren (1609-1613), Pocahontas, Powhatan buruzagiaren alaba, eta John Rolfe kolonoaren ezkontzak 1614an, kolono ingelesen eta aborigenen arteko harreman baketsuagoen garaia ekarri zuen. Powhatan Konfederazioa. 1618an, Wahunsonacock buruzagia hil ondoren, bere anaiordea Opechancanough-ek ordezkatu zuen. Ez zuen kolonoekin harreman baketsuak mantentzeko aukerarik ikusten eta ingelesen eta powhatan herriaren arteko lehen gerraren amaierako azken porrotetik errekuperatu ondoren, kolonia ingelesen suntsipena planifikatzea erabaki zuen.

1622ko udaberrian, ingeles batek Nemattanew kontseilariaren hilketaren ondoren, Opechancanoughek ezusteko kanpaina bat abiatu zuen, batez ere James ibaian kokatutako hogeita hamaika kolonia ingeles eta plantazioen aurka.

Bibliografia

• Price, David A. (2003). «March 22, 1622: Skyfall». Love and Hate in Jamestown: John Smith, Pocahontas, and the Start of A New Nation. Nueva York: Alfred A. Knopf. pp. 200–221. ISBN 0375415416. 
• Rajtar, Steve (1999). Indian War Sites. Jefferson, NC: McFarland. ISBN 0786407107. 

• Datuak: Q616307