BSC Young Boys

Berner Sport Club Young Boys 1898
Sorrera	1898
Futbol zelaia	Stade de Suisse; edukiera: 32.000 lagun; inaugurazioa: 1993
Presidentea	Werner Müller
Entrenatzailea	Raphaël Wicky
Liga	Suitzako Super Liga
2024-25	4.a
Webgunea	www.bscyb.ch

	Etxekoa

	Kanpokoa

BSC Young Boys (izen osoa Berner Sport Club Young Boys) Suitzako Berna hiriburuko futbol taldea da. Herrialdeko talde indartsuenetako bat da.

Bernako Stade de Suisse estadioan jokatzen ditu etxeko partidak.

Historia

1898an sortu zuten Bernako Unibertsitateko lau ikaslek, Max eta Oscar Schwab anaiek eta Hermann Bauer eta Franz Kehrlik. Izenak "Mutil Gazteak" esan nahi du. 1898ko abenduaren 30ean bozketa egin uten FC Bernarekin bat egin edo ez, eta ezezkoak irabazi zuenez ordutik lehia handia izan da talde bien artean.

Hasierako urteetan emaitza bikainak lortu zituen, 1902an Suitzako txapeldunorde eta 1903an txapeldun. Bigarren Mundu Gerra aurretik 6 Liga irabazi zituen eta 7 aldiz txapeldunordea izana zen. 1925ean Bernako talde indartsuena zela erakutsi nahian hiriaren izena hartu zuen eta Berner Sport Club Young Boys bihurtu zen. Urte berean Wankdorf estadioa inauguratu zuen, 22.000 ikusle har zitzakeena.

1951ean Albert Sing entrenatzailea fitxatu zuen eta harekin emaitza bikainak izan zituen. 1957 eta 1960 artean Suitzako Liga lau aldiz jarraian irabazi zituen.

1986an Liga eta 1987an Kopa irabazi onderen maila apalagoan ibili zen hurrengo hemerkadan.

2018an berriz irabazi zuen Suitzako Liga eta urrezko aro berri bati hasiera eman zion. 2023 artean bost Liga eta bi Kopa irabazi ditu.

Uniformea





2018-2019





2019-2020





2020-2021





2021-2022





2022-2023

Palmaresa

Suitzan: 27

Suitzako Super Liga (17): 1903, 1909, 1910, 1911, 1920, 1929, 1957, 1958, 1959, 1960, 1986, 2018, 2019, 2020, 2021, 2023, 2024
Suitzako Kopa (8): 1930, 1945, 1953, 1958, 1977, 1987, 2020, 2023
Suitzako Superkopa (1): 1986.
Suitzako Ligaren Kopa (1): 1976