Narón

Naron
Galiziako udalerrien zerrenda
Irudi gehiago
Administrazioa
Herrialdea	Txantiloi:Herrialde info Espainia, Ukraina
Probintzia	Coruña
Alkatea	Xoan Gato Diaz - Terra Galega
Izen ofiziala	Narón
Posta kodea	15570
INEk ezarritako kodea	15054
Herriburua	Narón (en)
Geografia
Koordenatuak	43°30′04″N 8°11′33″W
Azalera	66,2 km²
Altuera	26 m
Mugakideak	Neda, San Sadurniño, Valdoviño eta Ferrol
Demografia
Biztanleria	39.051 (2023) 113 (2022)
20.176 (%51,7)   (%48,4) 18.904
Dentsitatea	auto bizt/km²
Herritarra	Narondarra
Informazio gehigarria
Ordu eremua	UTC+01:00
Matrikula	C
http://www.concellodenaron.com

Naron A Coruñako probintziako udalerria da, 2004an 34.404 biztanle zituena eta Ferroleko eskualdean kokatua dagoena. 7 parrokia ditu eta udalerriaren hiriburua Naronen bertan dago kokatuta. 7 parrokiak oso txikiak dira eta populazioaren laurdena baino ez da bizi euretan, beste guztia hiriburuan bizi delarik.

Inguru naturala

Naronek 66 kilometro karratuko azalera dauka, eta Xuvia ibaiaren bokalaren inguruan hedatze da. Ozeano Atlantikoarekin egiten du muga eta honako udalerriekin: Ferrol, Neda, San Sadurniño eta Valdoviño. Kostaldeko gunea erliebe malkartsukoa da eta labarrez josia dago. Hegoaldeko gunea, Ferrolgo itsasadarraren barnean dago, eta bertan dago O Casalgo hondartza txikia.

Naroneko udalerriaren barnean Santa Maria la Mayorgo de O Valgo parrokia dago. Horrez gain, Espiñaredo eta A Lopesa dira aipagarri.

Banaketa Administratiboa

Naron zazpi parrokiek osatzen dute eta erdialdeko gune bat. Erdialdeko guneak honako auzoak ditu: Gándara, A Solaina, Outo do Castiñeiro, O Couto, Freixeiro, O Feal, Piñeiros, O Ponto eta Xuvia. Biztanle gehien biltzen dituztenak, Gándara, A Solaina, Outo do Castiñeiro eta Piñeirosko auzoak dira.

Demografia eta biztanleria

Narongo biztanleria etengabe hazi da XX. mendean zehar. Horrela 1900. urtean 8.333 biztanle zituen bitartean, gaur egun 34.404 biztanle dauzka (2004ko erroldaren arabera). Horrela, mendean zehar Galiziako biztanleria askorik aldatu ez den arren, argi ikusten da herri eta udalerri handienetan pilatu dela Galiziako biztanleria.

Biztanleriaren hazkundea bereziki handia izan zen Espainiako Gerra Zibilaren aurretik, eta 1950eko hamarkadatik aurrera.

Ikus, gainera

• Coruñako udalerrien zerrenda

Kanpo loturak

• (Galizieraz)(Gaztelaniaz) Narongo udalaren webgune ofiziala