Trnava eskualdea

Trnava eskualdea
Hiriburua	Trnava
Herrialdea	Eslovakia
Eremua	4.174,2 km²
Biztanleria	561.525 (2009)
Dentsitatea	135 bizt/km²
Kokapena: latd=48 |latm=22 |lat=N longd=17 |longm=35 |long=E

Trnava eskualdea (eslovakieraz: Trnavský kraj) Eslovakiako zortzi administrazio-eskualdetako (eslovakieraz, kraj) bat da. Eslovakia mendebaldean dago, eta izen bereko Trnava hiria da eskualdeko hiriburua.

Trnava eskualdearen hegoaldera Hungaria dago; mendebaldera Austriako lurrak eta Bratislava eskualdea; iparraldera Txekiar Errepublika; eta ekialdera Nitra eta Trenčín eskualdeak.

Trnava eskualdeko beste hiri garrantzitsu batzuk: Senica, Galanta, Piešťany, Dunajská Streda eta Skalica.

Trnava eskualdea Karpato Txikien eremuan dago, eta hiru ibaik zeharkatzen dute lurraldea: Danubio, Váh eta Morava ibaiek.

Baliabide naturaletan aberastasun handia duenez, Eslovakiako nekazaritza-eremu garrantzitsuena da Trnavako eskualdea. Famatuak dira, besteak beste, bertako ardoa, garagardoa eta iturri termalak.

Barrutiak

Trnava eskualdea zazpi barrutitan (eslovakieraz, okresy) banatuta dago:

• Dunajská Streda barrutia
• Galanta barrutia
• Hlohovec barrutia
• Piešťany barrutia
• Senica barrutia
• Skalica barrutia
• Trnava barrutia

Kanpo-loturak

Webgune ofiziala