The War Lord

The War Lord (euskaraz The War Lord) 1965eko Franklin J. Schaffner estatubatuar zinema zuzendariaren historia drama filma bat da. Bertan, Charlton Heston, Richard Boone, Rosemary Forsyth, Maurice Evans, Guy Stockwell, Niall MacGinnis, Henry Wilcoxon eta James Farentino aktoreek antzeztu zuten. Filma Erdi Aroan girotua dago.

Charlton Heston bere oroitzapenak argitaratzean filmaketan zinema eskolako ikasle bat zuzendari eta gainontzeko filmatze-taldeari mota guztietako galderak egiten egon zitzaiela aipatu zuen, ikasle hura gerora aski ezaguna izango zen Steven Spielberg zuzendaria zen.

Argumentua

Erdi Aroa, XI. mendea, Brabanteko dukerria. Chrysagon de la Cruex (Charlton Heston) normandiar zalduna frisioak izeneko jende erdi basati eta jentilen bizileku den lurralde batzuen jauna bilakatu berri da. Halako batean, bertako Bronwyn (Rosemary Forsyth) izeneko neska gazte misteriotsu batetaz zeharo maiteminduko da, zaldunak piskanaka-piskanaka neskarengatik bere boterea eta ohorea galtzen joango delarik.

Aktoreak

• Charlton Heston: Chrysagon
• Richard Boone: Bors
• Rosemary Forsyth: Bronwyn
• Maurice Evans: Apaiza
• Guy Stockwell: Draco
• Niall MacGinnis: Odins
• Henry Wilcoxon: Frisiar printzea
• James Farentino: Marc

Kanpo loturak

• The War Lord filmaren IMDBko fitxa irakurgai (Ingelesez)
• The War Lord filmaren trailer edo iragarkia ikusgai. Youtube.com (Ingelesez)