Sektore ekonomiko

Sektore ekonomiko ezberdinen pisuak irudikatzen dituen diagrama. Ekonomia zenbat eta aberatsago (eskuineruntz), lehen sektoreak (horiz) garrantzi txikiagoa erakusten du, hirugarren sektorea (marroiz) berriz gero eta garrantzitsuagoa da.

Ekonomia adar ezberdinetan zatituz, sektore ekonomikoak sortzen dira. Halaber, sektore ekonomikoak azpisektore ezberdinetan zatitzen dira. Sektore ekonomikoen zatiketa era ezberdinetara egin daiteke, ondoren zehazten den bezala.

Ekoizpen fasearen araberako sektoreak

• Lehen sektorea: lehengaien erauzketa eta ekoizpen iharduerak barnehartzen ditu; gari eta esne ekoizpena, ikatz erauzketa eta arrantza eta basogintza esaterako.

• Bigarren sektorea: lehengaien eraldaketa burutzen duten ihardueran barneratzen dira, ehungintza eta burnigintza (burni mineralaren erauzketa ezik) esaterako.

• Hirugarren sektorea: pertsona eta enpresei egiten zaizkien zerbitzuak barnehartzen ditu; irakaskuntza, osasungintza eta merkataritza esaterako.

Berrikitan, laugarren sektorea bat eratu da, informazioaren eta ezagutzaren inguruko iharduera ekonomikoak biltzen dituena. Bostgarren sektore bat ere aipatu izan da.

Jean Fourastié eta Colin Clark ekonomilarien arabera, ekonomien garapenak lehenengo sektorean oinarri izatetik, ekonomia tradizionaletan, hirugarren sektorearen nagusitasuna ekartzen du ekonomia aurreratuetan.

Jabetzari buruzko sektoreak

• Sektore publikoa
• Sektore probatua
• Borondatezko sektorea