Artikulu hau "Kalitatezko 2.000 artikulu 12-16 urteko ikasleentzat" proiektuaren parte da

Bigarren sektore

Wikipedia, Entziklopedia askea

Product’s lifecycle-es.svg

Makroekonomian, bigarren sektore ekonomikoa ekonomiaren hiru esparruetako bat da, manufaktura bere gain hartzen duena. Kontzeptu honek produktu bukatu eta erabilgarriak (kontsumorako produktuak edo kapitala) ekoizten dituzten edo eraikuntzan aritzen diren industriak hartzen ditu.

Bigarren sektore honek, normalean, lehenengoak naturatik lortutako lehengaiak hartzen ditu eta horiekin beste enpresentzat, esportazioentzat edo kontsumitzaileentzat erabilgarriak suerta daitezkeen produktu bukatuak ekoizten ditu. Prozesu hau burutzen duten industriek energia, lantegiak eta makinak erabili ohi dituzte. Hiru elementu hauen kontsumoaren arabera, bigarren sektorea bi azpitaldetan banatu ohi da: industria astuna (energia, lantegi eta makineria ugari behar duenean) eta industria arina (energia, lantegi eta makineria gutxiago beharrezkoak dituenean).

Produktu bukatuak ekoizteko prozesuan, industria askok hondakinak eta kutsadura sortzen dituzte (ekonomian askotan kanpo-eragin negatibo kontzeptuaren barruan sartzen direnak). Ehungintza edo autogintza, adibidez, ezagunak dira haien kutsadura eta hondakin mailengatik.[1]

Hala eta guztiz ere, bigarren sektorea tradizionalki garrantzitsutzat hartu izan da herrialdeen hazkunde ekonomikoa eta garapena bultzatzeko. Industrien esportazioa askotan Barne Produktu Gordinaren igoerarekin lotu izan da, honek errenten eta zerga-errenten (gobernuek zergen bidez lortzen dituzten diru-sarrerak) hazkundea bultzatzen duelarik.[2]

Erreferentziak[aldatu | aldatu iturburu kodea]

  1. https://web.archive.org/web/20200805141751/http://www.businessdictionary.com/definition/secondary-sector.html
  2. https://www.marketing91.com: Secondary Industry: Meaning, Types, Characteristics, and Examples

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]